Kan du tenke deg å vere treningskontakt?

Bu og miljøtenesta søkjer ein vaksen person som treningskontakt til brukar som likar å trene og å vere ute i naturen. Oppdraget er 3 timar pr. veke/156 timar pr. år.

I oppdraget som treningskontakt skal du hjelpe vedkommande til å ha ei aktiv og meiningsfylt fritid.

Me ser etter nokon som kan motivere til og delta i trening og tur.

Kven kan bli treningskontakt eller fritidsassistent?

Til dette oppdraget treng me ein godt vaksen person, du må helst vere over 30 år.

Du må disponere bil som du kan bruke i samband med oppdraget.

Det er ikkje krav om formell utdanning, men personlege eigenskapar vert vektlagt.

Du må vere god til å samarbeide, lytte, vere interessert i aktivitet og ansvarsfull.

Det er krav om godkjent politiattest.

Løn og tilsetjingsvilkår:

Stillinga er løna etter Hovedtariffavtalen med kr 180,-/pr. time. Dersom du har relevant utdanning (helse, sosialfagleg eller pedagogisk) vil du i dette oppdraget få løn etter hovudtariffavtalen.

I tillegg får du dekka utgifter til køyring og enkelte andre utgifter.

Andre opplysningar

Treningskontakt er oppdragsbasert og du får løn etter arbeidde timar. Du avtalar direkte med brukar når de skal treffast.