Rådgjevar Byggesak

Me søker:

Rådgjevar byggjesak i 100% fast stilling ved eining for areal og forvaltning i Vindafjord kommune

Stillinga er ledig frå 03.06.2024.

Arbeidsoppgåver:

• Saksbehandling av saker etter plan- og bygningslova, i hovudsak byggjesaker, inkl. lovpålagt tilsyn.
• Førehandskonferansar og rettleiing mot innbyggarar, private konsulentar og overordna myndigheiter.
• Føra tilsyn etter reglane i plan- og bygningslova.       

Stillinga kan bli tillagt andre oppgåver innan ansvarsområdet til eininga.

Kvalifikasjonar:

Me søkjer deg som har:

• Høgare utdanning og/eller relevant erfaring frå byggesaksområdet
• Det er ynskjeleg med god kjennskap til plan- og bygningslova med tilhøyrande forskrifter og prosedyrar og faglege prinsipp ved saksbehandling etter lova
• Gode datakunnskapar og kjennskap til digitale sakshandsamingsverktøy som ACOS WebSak og GISLINE er ein fordel
• Kjennskap til offentleg forvaltning er ein fordel
• Gode kommunikasjonsevner og samarbeider godt
• Evne til å jobbe sjølvstendig
• God skriftleg framstillingsevne på nynorsk 
• Førarkort klasse B

Kandidatar som ikkje fullt ut oppfyller dei formelle krava til utdanning, men har relevant praksis og erfaring blir vurdert til stillinga.

Personlege eigenskapar vil bli tillagt stor vekt.

Me kan tilby:

• Variert arbeid i eit positivt miljø
• Faglege utfordringar og utvikling som fagperson
• God opplæring og samarbeid med andre
• Rabatt på treningssenter
• Bedriftskunstlag
• Kommunalt kor, KORe’ Vindafjord (www.korevindafjord.no)
• Gode forsikrings- og pensjonsordningar (frå løna vert det trekt 2 % innskot til pensjonsordning)

Lønsvilkår:

Løn etter gjeldande tariff og avtaleverk.

Andre opplysningar:

Arbeidsstad vil vera Teknisk Bygg i Sandeid, Østbøvegen 2 5585 Sandeid.

Om Vindafjord kommune

Vindafjord kommune er sentralt plassert på indre Haugalandet og grensar mot Tysvær, Etne, Sveio, Suldal og Sauda. Vindafjord har ni bygder med til saman i overkant av 8800 innbyggarar. Kommunesenteret Ølen ligg 5 mil frå Haugesund. Vindafjord er ein stor landbrukskommune, har eit særs sterkt og variert næringsliv og ambisjon om å vera sentrum for indre Haugalandet. Kommunen ligg strategisk til og har ei lang kystlinje både mot Sunnhordlands- og Ryfylkebassenget. Saman gode turmoglegheiter i skog og fjell, gjev dette gode høve til eit allsidig friluftsliv. Tenestetilbodet er godt utbygd både for born, unge og eldre.

Om eining for areal og forvaltning

Eining areal og forvaltning dekker fagområda plan, byggjesak (inkl. deling), oppmåling/matrikkelføring/kart, landbruk (jord- og skogbruk), miljø, vilt- og fiskeforvaltning, adressering, eigedomsskatt, utslepp frå og tilsyn med private og kommunale avløpsanlegg og forureining (i hovudsak frå landbruk). Eininga har og arbeidsoppgåver knytt til forvaltning av vatn (ferskvatn og fjordar) gjennom vassområdeforvaltninga (både i Rogaland og i Vestland).

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.