Rådgjevar
- Arbeidsgiver
- Luster kommune NAV Luster
- Frist
- 02.04.2024
- Ansettelsesform
- Fast
Beskrivelse
NAV Luster held til i lyse og trivelege lokalar i Gaupne sentrum, like ved Lustrabadet. Me er eitt av seks NAV- kontor i region Sogn.
Flyktningtenesta og Vaksenopplæringa ligg òg organisert til NAV- kontoret. Vaksenopplæringa har eigne lokalar i lagshuset på Granden i Gaupne sentrum.
NAV Luster, Flyktningtenesta og Vaksenopplæringa har per i dag omlag 20 tilsette totalt.
I NAV Luster legg me vekt på samarbeid på tvers av kommunegrensene for å vidareutvikle tenestene til innbyggjarar og arbeidsgjevarar. Me deltek aktivt i regionale fagnettverk og i utviklings- og forbetringsarbeid i heile regionen.
Ei av våre tilsette skal videre på nye eventyr, og me søkjer difor etter ein ny kollega som ynskjer bli med på laget som rådgjevar i NAV Luster.
Stillingsinformasjon:
- NAV Luster har ledig 100 % fast stilling som rådgjevar frå 1. juni
- Stillinga som rådgjevar er knytt til dei sosiale tenestene i kontoret
- Stillinga vil inngå som ei av 3,4 faste stillingar i Sosialteamet
Andre mellombelse stillingar kan òg bli ledige/aktuelle, og ein kan då bli kontakta.
Arbeidsoppgåver inkluderer:
- Oppfølging og sakshandsaming etter Lov om sosiale tenester i NAV
- Kartlegging av brukaren sin heilskaplege situasjon, rettleiing og bistand til brukarane
- Oppfølging retta mot arbeid og aktivitet som fordrar kontakt med arbeidsgjevarar
- Kartlegging, avdekking og ivaretaking av barn sine behov i møte med NAV
- Handsame og følgje opp søknader om økonomisk sosialhjelp
- Økonomisk oppfølging og rådgjeving
- Bustadsosialt arbeid
NAV er ein organisasjon i stadig utvikling og endring. Andre arbeidsoppgåver må påreknast.
Kvalifikasjonar:
- Minimum treårig høgskule/universitetsutdanning innan sosialfagleg/samfunnsfagleg retning
- Annan utdanningsretning kan vurderast ved særleg relevant erfaring
- Det er ønskeleg med kompetanse på oppfølging etter Lov om sosiale tenester i NAV
- Sertifikat kl. B
- Digital kompetanse
Me legg vekt på:
- at du har gode kommunikasjonsevner, relasjons- og rettleiingskompetanse. Du vil i jobben møte brukarar med forskjellige utfordringar og behov.
- at du har evne til å jobbe sjølvstendig og i team for å finne gode løysingar
- at du er ein relasjonsbygger som er god på å samarbeide med andre
- at du har erfaring med sakshandsaming, rettleiing og oppfølgingsarbeid frå offentleg forvaltning
- at du har god forståing for korleis gjeldande lovverk nyttast i praksis
- at du har god økonomisk forståing
- at du tek raskt til deg ny kunnskap, og tek ansvar for eiga læring og faglege utvikling
- at du har digital kompetanse og gode evner til å sette deg inn i nye datasystem og arbeidsmetodar
- at du er personleg egna for stillinga vil bli særleg vektlagt
Me kan tilby
- Arbeid i ein veldriven kommune med gode og sikre rammevilkår
- Eit godt og stabilt arbeidsmiljø med høg fagkompetanse
- Gode moglegheiter for fagleg utvikling
- Kommunale tilsetjingsvilkår med gode pensjons- og forsikringsordningar
- Løn etter avtale
Andre opplysningar
- Administrasjonsmålet i kommunen er nynorsk
- Alle faste nytilsetjingar vert gjort med ei prøvetid på 6 månader
- Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort
- Søknadar må leverast innan fristen og må sendast inn via rekrutteringssystemet vårt EasyCruit
Link til søknadsskjema: Søk her
- Sektor
- Offentlig
- Sted
- Øyagata 14 B, 6868 Gaupne
- Stillingsfunksjon
- Saksbehandler, Rådgivning, Kontor og administrasjon
- FINN-kode
- 344110698
- Sist endret
- 14. mars 2024 11:44