Sesongmedarbeidar til turistinformasjonen i Jondal

Sesongmedarbeidarar til turistinformasjonen i Jondal

Har du lyst på ein kjekk jobb i sommar? På turistinformasjonen i Jondal søkjer me deg som ønskjer å hjelpe turistar med informasjon om Ullensvang og som vil bidra til at turistane kjenner seg velkomne i Jondal og i kommunen. 

I denne vertskapsrolla må du ta godt imot turistane og kunne formidle informasjon om området på engelsk og norsk både i person, på telefon og på e-post. 

Me søkjer deg som: 

• Er serviceinnstilt og profesjonell i møtet med turistar. 

• Er god i engelsk og norsk både munnleg og skriftleg. 

• Har god kjennskap til Jondal og områda rundt. 

• Er ansvarsfull, sjølvstendig og lærevillig. 

• Er over 18 år. Søkjarar over 16 år kan vurderast. 

I Jondal ligg turistinformasjonen på kommunehuset, “Blåhuset”. 

Det er størst behov for sesongmedarbeidarar juni til august. Arbeidstid vil vera mellom kl. 10-17. Arbeid minst kvar 3. helg. 

Me ber om at du i søknaden spesifiserer kva tidsrom du kan jobbe i. 

Løn etter tariff. 

Me handsamar søknadar fortløpande. 

Velkomen som søkjar!