Ønskjer du ein spennande kvardag med gode kollegaer og varierte arbeidsoppgåver?

Avdeling 1 i Miljøterapitenesta gir tenester til heimebuande, tenester til avlastning, dagtilbod og pårørandestøtte. Me har eit aukande behov i tenestene, og treng derfor fleire tilsette inn i vår avdeling. Me har fokus på individuelt tilrettelagte tenester med vekt på meistring, sjølvbestemming og god livskvalitet. 

Me har ledige stillingar som vernepleiar / sjukepleiar / miljøterapeut.

Me søkjer deg som har gode faglege kunnskapar om utviklingshemming, psykisk helse, målretta miljøarbeid og utfordrande åtferd, og som er dyktig til å bygge relasjonar. Interesse for, og kunnskap om psykisk helse og lett/moderat utviklingshemming er spesielt viktig på denne avdelinga. Du er ein aktiv bidragsytar til kunnskapsbasert praksis og utvikle eigen arbeidsplass.

Arbeidsoppgåver er mellom anna

• å gje heilskapleg og individuell helse og omsorgstenester gjennom tett tverrfagleg samarbeid, samt tett og godt samarbeid mellom brukarar og pårørande
• å sikre god brukarmedverknad, med fokus på bebuarane sine ressursar, meistring og god livskvalitet
• målretta miljøarbeid og legge til rette for eigen meistring, opplæring og trening
• å vedlikehalde ferdighetar og etablere nye ferdighetar
• praktiske og administrative oppgåver tilknytt brukarane og oppfølging av Helse og omsorgstjenestelova kap.9 og legemidelhandtering
• å rapportere i tråd med interne rutinar og gjeldande lovverk og aktivt bidra til å sikre individuelle, faglege og etisk forsvarlege tenester
• å vere ein aktiv pådrivar for å skape godt fagmiljø og samarbeid mellom faggrupper, samt rettleie studentar, elevar og medarbeidarar

 Det som kjenneteiknar deg er at du

• har brukarfokus
• er raus, fleksibel, samarbeidsvillig og har evne til nytetenking
• prioriterer høgt verdiar som respekt, lojalitet og etikk
• har gode samarbeids- og kommunikasjonsevner og evne til å skape tillit
• likar å jobbe i team så vel som sjølvstendig
• kan være i fysisk aktivitet
• har evne til å ta imot rettleiing 

 Det er ønskjeleg at du har

• norsk autorisasjon som vernepleier/sjukepleiar. Andre med 3- årig relevant høgskuleutdanning vil også bli vurdert.
• gode norskkunnskapar (minimum B2-nivå) og datakunnskapar
• førarkort klasse B
• kunnskap om gjeldende lov- og avtaleverk
• kjennskap til diagnoser og miljøterapeutiske tiltak
• erfaring med å gi tjenester til mennesker med psykisk utviklingshemming og psykiske lidelser

Me tilbyr

• fagleg spennande og varierte oppgåver med positive  og trivelege kollegaer i et godt arbeidsmiljø
• stilling i todelt turnus, dag/kveld og arbeid kvar 3.helg. Det blir jobba med å få på plass alternative turnusordningar og kalenderplan
• forhandlingsturnus som gir høve til individuell tilpassa turnus
• høve til fagleg og personleg utvikling
• hjelp til å skaffe bustad
• lønn og arbeidsvilkår i samsvar til lov og avtaleverk, pensjonsordning i KLP
• rekruttere og behalde tillegg

Søknad og politiattest

• vitnemål og attestar legg du inn saman med søknaden
• den som vert tilsett må legge fram politiattest ikkje eldre enn tre månadar
• intervju og tilsetjing kan skje fortløpande i søknadsperioden
• kommunen følgjer offentleglova § 25 ved eventuell offentleggjering av søkjarlista

Flytte til Ål?

Drøymer du om å flytte til ei vakker fjellbygd? Ynskjer du deg eit godt kultur- og idrettstilbod, spennande jobbmoglegheiter og eit trygt oppvekstmiljø? Då er du velkomen til Ål!

Flytt til Ål! - Ål kommune

Ta gjerne kontakt med oss om du har spørsmål til stillinga.       

Velkomen som søkjar!