Flyktningkonsulent

Vil du vere med på laget?

Integreringsarbeidet i Vinje kommune er i utvikling og me leitar etter deg som er motivert og engasjert og ynskjer å bidra med kompetanse og kunnskap innan dette feltet.

Etter avtale med Integrerings- og mangfaldsdirektoratet (IMDI), tek Vinje kommune imot 40 flyktningar i 2024. Me skal utvide vårt team, og me trenger ein medarbeidar med helsefagleg kompetanse for å styrke teamet. Då vil det vere 5,3 stillingar i integreringsteamet.

Arbeidet i integreringstenesta inneber å jobbe med busetting, etablering, kvalifisering og integrering. Målet er å fylgje opp flyktningane i kommunen, slik at dei raskast mogleg finn seg til rette i lokalsamfunnet og blir sjølvstendige og aktive medborgarar. Tenesta har ansvar for introduksjonsprogrammet og samarbeider tett med vaksenopplæringa i kommunen om gjennomføringa av programmet.

Integreringstenesta har også ansvar for oppfylging av flyktningane i samarbeide med andre tenester i kommunen i inntil fem år etter busetting i kommunen.

Arbeidsoppgåver

• Ta imot og hjelpe nye flyktningar i etableringsfasen
• Praktisk tilrettelegging og rettleiing av enkeltpersonar og familie, bl.a. i bruk av helsetenesta.
• Koordinere og iverksette individuelt tilpassa introduksjonsprogram
• Oppfylging av enkeltdeltakarar gjennom introduksjonsprogrammet
• Undervisning / rettleiing
• Samarbeid med andre tenestar i kommunen, legetenesta, psykisk helse mm. og aktuelle instansar som NAV, politi og IMDI
• Samarbeid med næringsliv og frivillige organisasjonar
• Kartlegging og sakshandsaming

Kvalifikasjonar

• relevant 3- årig utdanning på bachlornivå
• helse- og sosialfagleg kompetanse er ein fordel
• Ynskjeleg med erfaring frå tverrkulturelt arbeid og integrering
• God skriftleg og munnleg framstillingsevne
• Førarkort klasse B

Me søker deg som

• Er engasjert , likar utfordringar og er løysingsorientert
• Har evne til å arbeide sjølvstendig og saman med andre
• Er systematisk, pliktoppfyllande og fleksibel
• Har evne til å skape tillit, gode møte og bygge relasjonar
• Har erfaring med eller interesse for tverrkulturelt arbeid og integrering
• Er positiv og imøtekomande

Personlege eigenskapar og motivasjon vert vektlagd

Me kan tilby

• ein variert og spennande arbeidskvardag
• aktive og engasjerte kollegaer
• godt arbeidsmiljø
• løn etter avtale
• gode forsikrings --og pensjonsordningar

I samsvar med Offentleglova §25 kan namn på søkjarane offentleggjerast.