Helsefagarbeidar/miljøterapeut

Med utgangspunkt i eit ønskje om å levere gode førebyggande tenester har Ålesund kommune samla mange av dei førebyggande tenestene i verksemd Førebygging og meistring. I tillegg til dagtilbod for personar med demenssjukdom, inneheld verksemda geriatriske sjukepleiarar og demensteam, støttekontakt teneste, seniorsenter, ergo- og fysioterapiteneste, og teknisk hjelpemiddelservice. Verksemda har dermed eit godt fundament for god samhandling mellom ulike tenester med felles målsetting om å sørge for ein aktiv kvardag med stor grad av meistring for kvar enkelt. 

Ein av våre tilsette blir pensjonist frå nyttår, og vi har då ledig 80 % fast stilling der du har ei kveldsvakt og tre dagvakter per veke med utgangspunkt i Hatlahaugen dagsenter for heimebuande personar med demens.

Ved eventuelt intern tilsetting, kan det bli ledig stilling anna stad i verksemda. 

Arbeidsoppgåver

• Målretta miljøarbeid på dagsenter som skal bidra til meistring, gode opplevingar og auka livskvalitet for brukarane.
• Planlegge og gjennomføre meiningsfulle og gode aktivitetar på dagsenteret, som fysisk aktivitet, sosialt samvær og kulturelle opplevingar.
• Samhandling med pårørande og andre samarbeidspartar internt og eksternt. 

Kvalifikasjonar

• Helsefagleg utdanning: helsefagarbeidar/hjelpepleiar eller treårig høgskuleutdanning.
• Det er ønskeleg med erfaring innan demensomsorg, gjerne vidareutdanning/ kurs i demensomsorg eller geriatri.
• Grunnleggande datakunnskap.
• Det er krav om norske språkferdigheiter tilsvarande B2 munnleg og skriftleg på Europarådets nivåskala (CEFR).
• Krav om førarkort klasse B.

Personlege eigenskapar

• Vi søker etter ein medarbeidar som er kreativ, utadvent og positiv.
• Du må vere fleksibel og løysingsorientert, ha evne til nytenking og like utfordringar.
• Du må kunne arbeide sjølvstendig, samt har gode samarbeidsevne.
• Du har interesse for ulike aktivitetar.
• Å vere personleg eigna blir vektlagt.
  

Vi tilbyr

• Ei kommune med verdiane open, engasjert og modig i fokus.
• Eit tverrfagleg arbeidsmiljø med spanande, aktive og utfordrande arbeidsoppgåver.
• Kjekke kolleger og samarbeidspartar.
• Løn etter tariff.

Kontaktinformasjon

Amrei Jakobs , Avdelingsleiar , 901 75 377

Camilla Almås, Verksemdsleiar, 994 93 553

Arbeidsstad

Borgundgavlen 52

6015 Ålesund

Nøkkelinformasjon:

Arbeidsgivar: Ålesund kommune



Referansenr.: 4718488927

Stillingsprosent: 80%

Fast

Startdato: 01.01.2024

Søknadsfrist: 01.11.2023