Seksjonsleiar

Er du vår nye leiar for seksjon for etterretning, førebygging og etterforsking ved Molde politistasjon?

Vi søkjer deg med kompetanse og eigenskapar innan leiing og etterforsking, og som blir motivert av moglegheita til å vidareutvikle norsk politi til eit kompetent og effektivt nærpoliti. Arbeidet skal utførast i tråd med samfunnsutviklinga. Du må kunne delta i arbeidet med etterforsking av saker og leie etterforskingar. Som leiar i politiet skal du oppnå gode resultat på alle område, i dagleg drift og ved kriser. Vi ser etter deg som set retning, skapar framdrift og oppslutning om mål, og som gjennomfører nødvendige endringar. Du skapar resultat i samhandling med andre, har god evne til å ta avgjerder, gjennomføringskraft og sørgjer for høg kvalitet. Du er medarbeidarorientert og har evne til å motivere, støtte og utvikle medarbeidarane dine.

I stillinga som seksjonsleiar har du personal-, mål og resultatansvar for seksjonen. Strategisk planlegging og utvikling er ein viktig del av porteføljen. Arbeidsdagen er prega av høgt tempo og mange ulike arbeidsoppgåver, så du må trivast med å ha mange ballar i lufta. Personlege eigenskapar vert særleg vektlagt i leiarstillingar. 

Driftseining Nordmøre og Romsdal omfattar sju politistasjonsdistrikt, høvesvis Kristiansund, Molde, Smøla og Aure, Surnadal, Indre Nordmøre, Hustadvika, og Vestnes og Rauma politistasjonsdistrikt.

Vi oppmodar særskilt kvinner om å søkje.

Arbeidsoppgåver

• Dagleg leiing av seksjonen med personal- og resultatansvar
  
• Organisere og leie etterforskinga i driftseininga i tett samhandling med funksjonelle driftseiningar og andre tenesteeiningar
  
• Etterforskingsleiing
  
• Etterforsking av saker
  
• Sørgje for høg kvalitet, effektiv ressursutnytting og god måloppnåing for polititenesta 
  
• Sette retning og skape resultat og felles måloppnåing i samhandling med andre
  
• Sikre eit helsefremjande arbeidsmiljø gjennom dialog og samarbeid
  
• Utvikle godt medarbeidarskap, samarbeid, ønskt kultur og god medarbeidartilfredsheit ved seksjonen
  
• HMS og internkontroll
  
• Leggje til rette for kunnskapsbasert erfaringslæring med særleg fokus på førebyggande arbeid som primærstrategi og ta ansvar for systematisk forbetringsarbeid
  
• Rettleiing av studentar/medarbeidarar og opplæring/kompetansehevande tiltak ved eininga
  
• Kan påleggjast andre arbeidsoppgåver

Kvalifikasjonar

Nødvendig:

• Politi(høg)skule, juridisk embetseksamen eller master i rettsvitskap
  
• Relevant erfaring innan straffesaksbehandling
  
• Relevant leiarerfaring og/eller leiarutdanning
  
• Kunnskap om lov- og regelverk knytt til straffesaksbehandling
  
• God resultatoppnåing i tidlegare stillingar og gode leiareigenskapar
  
• Kunne klarerast for sikkerheitsnivå "HEMMELLG" jf. tryggingslova
• Du må ha plettfri vandel og vere skikka for teneste i politiet og politiattest (uttømmande og utvida) må innhentast ved ev. tilsetjing jfr. politilova § 18 og politiregisterlova § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk  i samband med skikkaheitsvurdering, jf. politiloven § 18 og og politiregisterloven § 41.

Ønskjeleg:

• Vidareutdanning innan etterforsking og etterforskingsleiing er ein fordel
  
• Kunnskap om HMS-arbeid, eller at slik kompetanse opparbeidast innan avtalt tid etter tilsetjing
  
• Kunnskap om offentleg forvaltning og statleg avtaleverk
  
• God kunnskap om og ferdigheiter i bruk av datasystema til politiet/arbeidsverktøy
  
• Erfaring med leiing av endrings- og utviklingsprosessar, særleg i offentleg sektor

Personlege eigenskapar

• Mål- og resultatorientert med god giennomføringskraft
  
• Evne til å setje retning, drive endring og skape resultat i samhandling med andre
• God evne til kommunikasjon, teambygging og relasjonsbygging internt og eksternt
  
• Medarbeiderorientert og har god evne til å motivere, støtte og utvikle andre
  
• Samfunnsorientert og har forståing for eininga si rolle i politiet sitt samfunnsoppdrag
  
• God rollemodell som leiar og for politiet si medarbeidarplattform gjennom eigen åtferd
• Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir i vår medarbeiderplattform her:  https://www.politiet.no/om-politiet/jobb-i-politiet/medarbeiderplattform/ 

Personlege eigenskapar vert særleg vektlagt ved tilsetting i leiarstilling.

Vi tilbyr

• Ein utfordrande og spennande arbeidsplass for deg som vil vere med på å forme politiet for framtida
• Stillinga vil ha stillingskode 0326 med funksjonstittel politiavdelingsleiar
• Lønn frå og med kr. 775 000 
• Endeleg plassering av lønn er avhengig av erfaring, kvalifikasjonar og ansiennitet
• I tillegg til lønn vert det gitt godtgjersle etter særavtale om uregulert arbeidstid for enkelte leiarar i politi- og lensmannsetaten
  
• Medlemskap i Statens pensjonskasse, med blant annet gode pensjons- og forsikringsordninger (www.spk.no)
• Fleksibel arbeidstid og mogelegheit for trening i arbeidstida
  
• Møre og Romsdal politidistrikt er ei lA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.

Kontaktinformasjon

Janne Woie, Leiar for Molde politistasjonsdistrikt, 986 58 289

Arbeidsstad

Strandgata 2

6415 Molde

Nøkkelinformasjon:

Arbeidsgivar: Møre og Romsdal politidistrikt



Referansenr.: 4711091512

Stillingsprosent: 100%

Fast stilling

Søknadsfrist: 27.10.2023