Rådgiver siderproduksjon

Nøkkelinformasjon

NIBIO Ullensvang byggjer opp fagmiljø og kompetanse for norsk sidernæring. 

Me søkjer deg som vil jobba tett på sidernæringa med produksjonsrådgjeving og som ingeniør i forskingsprosjekt. 

Hovudoppgåvene til stillinga

Hovudoppgåver i stillinga vil vera å gjennomføra eksperimentell siderproduksjon i forskingsprosjekt, å vidareutvikla sensorisk panel for sider, og å fungera som bindeledd mellom forsking og siderprodusentar gjennom produksjonsrådgjeving. Utvikling av ei rådgjevingsteneste vil vera eit viktig bidrag for vidareutvikling av norsk sidernæring. Stillinga vil i tillegg vera sentral i oppbygging av kunnskap om ølbrygging og vinproduksjon i Noreg. 

Kvalifikasjonskrav

• Bachelor i vindyrking og ønologi
• Arbeidserfaring med vin- og siderproduksjon
• Meistra norsk munnleg og skriftleg
• God kjennskap til norsk sidernæring

Det er ein fordel om du har

• Erfaring med anvend forsking
• Erfaring med teknologiske løysingar for siderproduksjon
• Erfaring med kjemiske og sensorisk kvalitetsvurderingar av fermenterte drikkevarer
• Erfaring med planlegging og gjennomføring av forsøk 
• Førerkort klasse B
• Formidlingserfaring

Personlege eigenskapar

• Ansvarsfull, nøyaktig og metodisk
• Praktisk anlagt og god på problemløysing
• Bidra aktivt til et godt arbeidsmiljø
• Dedikert og entusiastisk
• Har evne til å kommunisere bredt med ulike aktørar

Vi tilbyr

• Moglegheit til å jobba med eit viktig samfunnsoppdrag med fokus på berekraft og framtidsretta prosjekt
• Utfordrande, spennande og varierte oppgåver i tverrfaglege team
• Ein fleksibel kvardag med moglegheit til å påverka eigne arbeidsoppgåver
• Eit sterkt fagmiljø med gode kollegaer
• Ein raus personalpolitikk med velferdsordningar og fokus på dei tilsettes ulike livsfaser

Stillinga er plassert i det statlege lønsregulativ som rådgiver kode 1434 eller seniorrådgiver kode 1364, lønssteg 54 - 64 (kr 532.200 - 624.500 pr. år). Løna vert vurdert etter utdanning og erfaring.

Medlemskap i Statens Pensjonskasse, noko som inneber ei god tenestepensjonsordning, yrkesskade- og gruppelivsforsikring, og tilbod om bustadlån til ei gunstig rente.

Treng du meir informasjon?

Kontakt avdelingsleiar Inger Martinussen, tlf 976 78 488 eller forskar Ingunn Øvsthus, tlf 482 07 250

Korleis søkja på stillinga

Søknad med CV sendar du elektronisk via lenkje på denne sida, "søk stillinga".
Vitnemål og attestar skal takast med ved eit eventuelt intervju, eller leggjast ved elektronisk.

NIBIO gjennomfører bakgrunnssjekk på aktuelle kandidatar via samarbeidspartnaren vår Semac AS. 

Andre opplysingar

Vi legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonsevne, hol i CV, nasjonal eller etnisk bakgrunn.

Som statleg verksemd har vi moglegheit til å gi ein positiv særbehandling for søkjarar som har funksjonsnedsetjing, hol i CV eller innvandrarbakgrunn. Positiv særbehandling inneber mellom anna at du lettare vil komma til intervju.
Les meir om dette her.

Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.