ID 2092 Sjukepleiar i heimerehabiliteringsteamet - Heimebaserte tenester

Heimerehabiliteringsteamet i Stord kommune er tverrfagleg samansett og består av ein fysioterapeut, ein ergoterapeut og ein sjukepleiar. Teamet yter tenester tre dagar i veka og tilbyr heimerehabilitering, i brukars heim, til personar som har opplevd endring i livssituasjon og/eller funksjonsnivå grunna sjukdom eller skade. Ein har som mål å legge til rette for ein mest mogleg sjølvstendig og aktiv kvardag. Stillinga for sjukepleiar ligger under Heimebaserte tenester og sjukepleiar har i tillegg til å vera ein del av heimerehabiliteringsteamet, også ein viktig rolle for å fremma rehabiliteringstanken til alle tilsette i nært samarbeid med nøkkelpersonar i heimebaserte tenester.

Det er ledig fast 100% stilling i Heimebaserte tenester.

Stillinga vil være 60% i heimerehabilitering og 40% i vikarstaben i heimebaserte tenester. I vikarstab har ein fast turnus og yter tenester i pleie og omsorg i avdelingane. Turnusen er to delt med arbeid kvar tredje helg.

Arbeids- og ansvarsområde:

Heimerehabiliteringsteamet jobbar både saman og sjølvstendig. Fellesoppgåver består blant anna av organisering av vekeplan, tiltaksplan med tavlemøter. I oppstart og avslutningsfasen av brukaren i heimerehabilitering er ein som oftast to frå teamet og sjukepleiar bidrar med sin fagkompetanse og vurderingar. Sjukepleiar bidrar også til støtte og vegleiing for dagrehabilitering i forhold til sin sjukepleiarkompetanse.

Kvalifikasjonskrav:

• Autorisasjon som sjukepleiar
• Førarkort klasse B
• Må ha interesse og motivasjon for heimerehabilitering
• Samarbeidsevne og formidling av kunnskap til både tilsette, brukar og pårørande
• Det er ein fordel med erfaring frå rehabilitering
• Vidareutdanning er ein fordel
• Personlege eigenskapar blir vektlagt
• Ved tilsetjing vil det bli stilt krav om at ein legg fram politiattest av ny dato.

Me kan tilby:

• Varierte arbeidsoppgåver i eit tverrfagleg fagmiljø
• Godt arbeidsmiljø
• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
• Løns- og arbeidsvilkår i samsvar med kommunalt avtaleverk

Offentlig tenestepensjon i KLP - Kort fortalt

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

Kontaktperson: Einingsleiar Gina Kittilsen tlf: 975 52 169