Grunnskulelærar

Er du vår nye grunnskulelærar?

Me søkjer etter ein lærar i vikarstilling i 100 % frå snarast og ut skuleåret

Kvam ungdomsskule ligg i Øystese og har 260 elevar. På skulen er det i alt 43 tilsette.

Til vikariatet søkjer me pedagog, med relevant og godkjent pedagogisk utdanning, knytt til undervisning i ungdomsskulen. Aktuelle fag knytt til vikariatet kan vera: norsk, kunst og handverk og musikk. Andre fag og andre med relevant arbeidserfaring og/eller utdanning kan også verta vurdert.

Kvammaskulen skal vera ein god stad å læra og ein god stad å vera, og me har fokus på godt og trygt skulemiljø for alle.

Klasseleiing, positivt elevsyn og relasjonsbygging er fokusområde i Kvammaskulen. Vårt elevsyn er at born gjer så godt dei kan, og at born ikkje er vanskelege, men kan ha det vanskeleg. Kompetanseheving og fagleg satsing skuleåret 23/24 er oppfølgingsordninga med fokus på ordinær undervisning og skulemiljø.

Arbeidsoppgåver

• undervisa i faga i grunnskulen
• planlegga, gjennomføra og evaluera undervisning i tråd med opplæringslova og gjeldande forskrifter
• deltaking i skulen sitt utviklingsarbeid

Kvalifikasjonar

• godkjent pedagogisk utdanning for grunnskulen jf. forskrift til opplæringslova § 14-1. Andre med relevant arbeidserfaring og/eller utdanning kan også verta vurdert.
• gode relasjons- og samarbeidsevner 
  
• erfaring med undervisning i ungdomsskulen er ein føremon
  

Ved ny tilsetjing vert det stilt krav om politiattest, jfr. Opplæringslova § 10-9.

Personlege eigenskapar

Me legg vekt på personlege eigenskapar som: 

• evne til å planlegga, gjennomføra og vurdere ulike opplæringstilbod for elevane
• vera ein klar og tydeleg klasseleiar
• gode samarbeidsevner
• god kommunikasjonsevne, relasjonelt, skriftleg og munnleg
• fleksibel og engasjert
• varm og tydeleg  
• kan arbeida strukturert og systematisk

Vi tilbyr

• godt arbeidsmiljø og teamkultur
• systemretta utvikling av skulen med vekt på kollektiv kapasitet
• spennande, utfordrande og varierte arbeidsoppgåver
• løn etter sentralt og lokalt lønnsystem
• gode offentlege pensjons- og forsikringsvilkår
  
  Generell informasjon:
  
  Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.

Kontaktinformasjon

Kari Ljones, Rektor Kvam ungdomsskule, 480 30 068

Arbeidsstad

 Øystese

Nøkkelinformasjon:

Arbeidsgivar: Kvam herad



Referansenr.: 4716941994

Stillingsprosent: 100%

Vikar

Søknadsfrist: 22.10.2023