Ungrettleiar

Vil du gje ungdom og unge vaksne moglegheiter? Vi søker tre rettleiarar til Mulighetssenteret ved NAV Årstad.

Som rettleiar er du ein del av eit fag- og kompetansemiljø i vekst som kvar dag jobbar for å førebygge og redusere utanforskap hos unge. 
NAV Årstad er regionkontor i NAV region Bergen og bydelskontor for Årstad bydel. Kontoret har todelt leiarmodell, med ein statleg og ein kommunal leiar. Kontoret har om lag 200 tilsette. Mulighetssenteret er ein innovativ pilot i NAV Bergen som skal gje ungdom og unge vaksne koordinerte, saumlause og kunnskapsbasert tenester. 

Arbeidsoppgåver

• Kartlegge og motivere for arbeid og aktivitet
• Følge opp og rettleie med samtaler og samarbeidsmøte
• Kommunisere digitalt med brukarar
• Sakshandsame etter lov om folketrygd, arbeids- og velferdsforvaltningslova og lov om sosiale tjenester i NAV
• Sjå kvar enkelt sin kompetanse og korleis dei raskt kan kome i arbeid
• Vere i tett dialog med arbeidsgjevarar, helsepersonell, tiltaksbedrifter og andre samarbeidspartnarar

Endring i arbeidsoppgåvene må påreknast.

Kvalifikasjonar

Du må ha:

• minimum bachelor frå universitet eller høgskule. Relevant erfaring kan kompensere for utdanningskravet
• kompetanse til å rettleie menneske med samansette behov 

Vi ønsker at du har: 

• erfaring frå arbeid med unge vaksne 
• erfaring frå sakshandsaming i offentleg verksemd 
• kompetanse innan arbeidsmarknaden og verkemiddel i NAV
  

Personlege eigenskapar

Vi ser etter deg som er ein lagspelar med heilskapsperspektiv, og som:

• set deg raskt inn i nye arbeidsoppgåver
• er god til å bygge relasjonar og motivere andre
• er sjølvstendig og arbeider systematisk
• kan handtere uvisse i eit dynamisk miljø

Vi tilbyr

• Spennande og meiningsfylte arbeidsoppgåver innanfor eit viktig samfunnsområde
• Eit engasjert og triveleg arbeidsmiljø med gode kollegaer
• Fleksibel arbeidstid
• Statleg tilsetting i stillingskode 1434 Rådgiver med lønsspenn frå kr. 540 500,- til kr. 604 900,- per år. For særleg kvalifiserte søkarar kan høgare løn vurderast
• God pensjonsordning gjennom Statens pensjonskasse (frå løna blir det trekt 2 %)
  

Kontaktinformasjon

Marius Hilton, Prosjektleiar, 458 37 024, marius.h.hilton@nav.no

Mariann Haukeland, Avdelingsleiar , 466 37 152, mariann.haukeland@nav.no

Arbeidsstad

Møllendalsveien 6

5009 Bergen

Nøkkelinformasjon:

Arbeidsgivar: NAV



Referansenr.: 4717028161

Stillingsprosent: 100%

Fast

Startdato: 01.12.2023

Søknadsfrist: 27.10.2023