Barne- og ungdomsarbeidar, 50% fast stilling

Om stillinga

Det er ledig 50% fast stilling som barne- og ungdomsarbeidar i Gulen kommune, for tida ved Byrknes barnehage og skule frå snarast/etter avtale. Stillinga er i hovudsak knytt til avdeling skule og SFO, men arbeidsoppgåver i barnehage kan verte aktuelt ved behov. 

Byrknes barnehage og skule består av 1-10-skule og barnehageavdeling. Sjå www.byrknes.skule.no for meir informasjon, bildete, årsplanar osb.

Arbeidsoppgåver

• Medverke til at skule, SFO og barnehage er ei god pedagogisk verksemd
• Medansvar for tilsyn, omsorg og pedagogisk arbeid med borna
• Delta i planlegging, rettleiing, gjennomføring, evaluering og vurdering i verksemda
• Arbeidsoppgåver knytt til enkeltborn 

Kvalifikasjonskrav

• Fagbrev som barne- og ungdomsarbeidar eller tilsvarande kompetanse. Søkjarar utan godkjent utdanning kan verte vurdert for mellombels tilsetjing.
• Gode norskkunnskapar - både munnleg og skriftleg

Personlege eigenskapar 

• Trivst, kommuniserer og samhandlar godt med borna, føresette, kollegaer og andre samarbeidspartnarar.
• Kan bidra til eit godt og stabilt arbeidsmiljø for både born og vaksne
• Er strukturert, men likevel kunne vere spontan i møtet med borna
• Fleksibel og har gode samarbeidsevner
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, PU, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering