Voss Herad søker:

Reinhaldsavdelinga har fylgjande ledige stillingar:

1 fast stilling 100 % reinhald  på Sundve. 
1 fast stilling 100 % reinhald i teamet, rundt om i herad.
1 fast stilling 100 % reinhald i Granvin.

 

Om arbeidsstaden

Bygg og eigedom har ansvar for å byggja, drifta og vedlikehalda bygg og eigedomar i Voss herad.  Reinhald er ein viktig
del av vedlikehaldet og Reinhaldsavdelinga er ein avdeling med rundt 70 tilsette som er organisert under Bygg og
eigedom, teknisk etat.

 

Arbeidsoppgåver

• For alle stillingane gjeld dagleg reinhald, periodisk- og hovudreinhald etter plan.
• Arbeidet utførast innanfor normalarbeidstid, dvs. mellom kl. 07:00 (06:00) -17:00.
• For å ivareta helse, inneklima og bygg, bruker me mest mogeleg maskiner i arbeidet. 
• Du må kunne samarbeida med brukarane på bygga for å få utført dette arbeidet på beste måte for alle.
• Du må kunne samarbeida med kollegaer ved andre bygg, hjelpa til ved sjukefråvær og andre oppdrag som
• arbeidseleiar planlegg.
• På sikt vil dei som jobbar i team også få opplæring i spesialreinhald.

 

Me søkjer

Krav til søkjar:

• gode norskkunnskapar, både munnleg og skriftleg.
• førarkort for bil klasse B.
• grunnleggjande datakunnskapar, og kunne bruke dette i dagleg kontakt med avdelinga.

 

Det er ynskjeleg at du:

• fagbrev som reinhaldsoperatør er ein fordel, men ikkje eit krav. 
• har erfaring frå reinhaldsyrket.
• har gode kommunikasjons og samarbeidsevner.
• er kreativ og løysingsorientert.
• jobbar systematisk, strukturert og effektivt.
• du er interessert i faget, og å vera oppdatert på metodar og læra å bruka nytt utstyr.

 

 

Personlege eigenskapar

• du likar å jobbe i team, men kan og jobbe sjølvstendig.
• du er utadvendt og likar å jobbe med born og vaksne rundt deg.
• du omstiller deg raskt alt etter kva arbeidskvardagen byr på.
• har ei positiv og fleksibel innstilling til arbeidet.

 

Personlege eigenskapar vert vektlagt.

Godkjent politiattest må leggjast fram før tiltreding i stillinga.
Du må skrive i søknaden kva stilling du søkjer på, evt. i prioritert rekkefølgje.

 

Me tilbyr

• gode vilkår for fagleg utvikling.
• me har stor fokus på god opplæring og oppfylging og vil hjelpa dei som ynskjer å ta fagbrev.
• eit godt tverrfagleg og sosialt miljø.
• gode forsikrings- og pensjonsordningar.
• løn etter kommunalt avtaleverk og elles tilsetjing på vanlege kommunale vilkår.

 

Søknad

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me
oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.

 

Søk på stillinga ved å klikke på knappen til høgre. Hugs å gje opp referansar. Attestar og vitnemål skal leggjast ved
elektronisk eller sendast Voss herad, boks 145, 5701 VOSS, merka med stillingsreferanse. Søknadspapira vert ikkje
returnerte. Ifølgje Offentleglova § 25 skal det svært gode grunnar til for å skjerme søkjarar frå offentleg søkjarliste.

Link til søknadsskjema: Søk her