Undervisningsstilling ved Helse- og oppvekstfag på Fyllingsdalen vgs

Fyllingsdalen videregående skole (FYD) har utdanningsprogramma: studiespesialisering – toppidrett - musikk, dans og drama (studieførebuande) - helse- og oppvekstfag (yrkesfag og studieførebuande) - påbygg til generell studiekompetanse. I tillegg har skolen nettundervisning for fysisk sjuke og ei tilrettelagt avdeling for 20 elevar med særskilte behov. Skolen har om lag 580 elevar og 100 tilsette.

Fyllingsdalen videregående skole (FYD) har eit personale med høg kompetanse på sine ulike yrkesfelt, stor grad av fagleg samarbeid og meget høg trivsel både blant tilsette og elevar. Skolen ligg i flotte nyoppussa lokale like ved bybanen og Oasen kjøpesenter og har som mål å vera den føretrekte skolen for elevar i Fyllingsdalen og Bergen vest. Skolen blir stadig meir populær og er den vidaregåande skolen i Bergen som de siste 3 åra har størst auke i søkjartala (+ 50 %).

Arbeidsoppgåver

Det er inntil 3 stillinger totalt, alle med kontaktlæraransvar for helse- og oppvekstklasser.

To av stillingane er vikariat frå 01.08.25-31.07.26 i inntil 200%.

I ei av stillingane er det inntil 50% fast unddervisningsstilling frå 01.08.25.

For alle stillingane er det undervisning i programfaga på utdanningsprogrammet på Helse- og oppvekstfag.

Kvalifikasjonar

Til alle undervisningsstillingar er det krav om relevant fagleg og pedagogisk kompetanse. Søkjarar til stillinga må ha bachelor i sykepleie og det er ynskjeleg med undervisningserfaring knytt til minoritetsspråklege elevar, samt utdanning i spesialpedagogikk. Det er og ynskjeleg med relevant yrkeserfaring frå helsesektoren. Det er ein fordel med kompetanse i simulering som pedagogisk metode.

Personlege eigenskapar

• Du bidrar til å skape gode relasjoner
• Du har høg motivasjon og handlekraft.
• Du er ein trygg og tydeleg klasseleiar med positivt elevsyn og evne til å skapa gode relasjonar
• Du trivs i eit hektisk arbeidsfellesskap og bidrar til eit godt arbeidsmiljø
• Du kan arbeide sjølvstendig og nøyaktig
• Du har evne til å samarbeide, vere løysingsorientert og ha gode kommunikasjonsevner
• Du er utviklingsorientert
• Du er ein engasjert tilsett som arbeidar for heilskapen på skulen
• Du er inkluderande

Vi tilbyr

• Givande arbeid med ungdom i vidaregåande opplæring i eit arbeidsmiljø med høg fagleg kompetanse.
• Lønn etter gjeldt avtaleverk og lønnsutvikling i tråd med Vestland fylkeskommune sin lønnspolitikk
• Gode forsikrings- og pensjonsordningar
• Inkluderande og godt arbeidsmiljø
• Gode moglegheiter til eigen læring og utvikling

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.