Ledig stilling som skrivelærar

Vi søker ein skjønnlitterær forfattar med fleire utgjevingar bak seg, med hovudvekt innan prosa, samt røynsle frå undervisning i skapande skriving. Det er ei føremon med dokumentert pedagogisk kompetanse. Som skrivelærar vil du spele ei viktig rolle ved ein av landets sentrale litteraturutdanningsinstitusjonar. Stillinga er på 25% og vil høve godt i kombinasjon med eigen skjønnlitterære praksis.

Undervisninga på akademiet tek utgangspunkt i dei litterære hovudsjangrane og er delt inn i kortare periodar, der tekstverkstad med lesing og respons, samt meir teoretisk undervisning vil inngå. Som skrivelærar har ein ansvar for undervisningsperiodar haust og vår, med tilhøyrande gjennomgang av studenttekstar. I stillinga inngår òg rettleiing av studentar, møteverksemd, samt at ein er involvert i sensur og gjennomføring av eksamen. 

Stillinga stiller krav til:

·      Erfaring med utvikling, gjennomføring og evaluering av kortare og lengre undervisingforløp

·      Gode samarbeids- og kommunikasjonsevner, samt evne til å bygge miljø og nettverk 

·      Kompetanse innanfor litteratur, der høgare grad innanfor litteraturvitskap er ei føremon

·      Evne til sjølvstendig arbeid, der ein samstundes er motivert for kunnskapsdeling og tverrfagleg samarbeid

·      Svært god munnleg og skriftleg framstillingsevne på norsk eller anna nordisk språk.

·      Erfaring med utvikling av utdanningskvalitet i fagfellesskap

·      God institusjons- og rolleforståing

·      Personlege eigenskapar vil òg verte tillagt stor vekt

Arbeidsoppgåver:

·      Planlegging, gjennomføring og evaluering av undervisning

·      Planlegging, evaluering og vidareutvikling av studiet i samarbeid med kollegiet og leiinga

·      Delta i fagmiljøet med engasjement for utvikling av undervisnings- og -litterær kompetanse 

·      Bidra til utvikling av utdanning av høg kvalitet

Noko reiseverksemd i samband med seminar og litteraturfestivalar må òg verte pårekna. Stillinga inkluderer elles eit fast tal møtedagar, og det vil såleis vere ei føremon med bustad i Bergensområdet. 

Vi tilbyr:

·      Eit sterkt fagmiljø med brei kontaktflate

·      Stor grad av fleksibilitet og moglegheit for tilpassing av undervisningsperiodar og arbeidstid

·      Moglegheit for fagleg utvikling

·      Kontakt med ei mangfaldig studentgruppe

·      Moglegheit til å setje preg på framtidas unge forfattarar

·      God pensjonsavtale

·      Løn etter avtale