Operative sosialfaglege ressurspersonar

Frøyland skule, Frøyland ungdomsskule og Lye skule treng fleire med på laget, og søker etter miljøveilederar eller fagarbeidarar som brenn for å vera med å skapa eit godt og inkluderande læringsmiljø!

Frøyland skule og Frøyland ungdomsskule

1 stilling som operativ sosialfagleg ressursperson i 80% fast stilling ved skulane. 40% av stillinga er på Frøyland skule og 40% er på Frøyland ungdomsskule.

Rektor: Karl Inge Aksnes, mob. 92841927

Du kan lesa meir om stillinga og skulen her: https://www.minskole.no/fus

Lye skule

1 stilling som operativ sosialfagleg ressursperson i 80% fast stilling i skulen.

Rektor: Sigrid Hinnaland Kjetland, mob. 99046933

Du kan lesa meir om stillinga og skulen her: https://www.minskole.no/lyeskule

I begge stillingane vil du bli del av eit miljøteam på skulane. Du vil òg vera deltakar i “Laget rundt læraren og eleven” som har tett samarbeid med PPT, helsesjukepleiar, sosiallærar, spes.ped-koordinator, barneverntenesta og rektor.

Me søker etter deg som brenn for å vera med å skapa det gode læringsmiljøet, samt har evna til å sjå potensialet i kvart enkelt barn! Du er oppteken av dei gode relasjonane, du er raus og god på å forstå barn og unge. Du er engasjert i det enkelte barnet og ungdommen og er oppteken av at alle skal få vera den "beste utgåva av seg sjølv". Du har evna til å jobba sjølvstendig, men er òg ein god lagspelar.

Synes du dette høyrest interessant og spennande ut, håper me du vil søka stillingane hos oss. Skriv i søknaden kva skule du søker på.

Time kommune har òg fellesannonse for ledige fagarbeidar, miljøveiledar- stillingar i skulane våre. Annonse ref.4788500322. Søkarar på stillingane i fellesannonsen kan òg bli vurderte for stillingane som operativ sosialfagleg ressurspersonar ved Frøyland skule, Frøyland ungdomsskule og Lye skule.

Arbeidsoppgåver

• Samarbeida tett med leiinga om det sosialfaglege arbeidet på skulen
• Vera del av tverrfagleg samhandling og førebyggande systemarbeid i Laget rundt læraren og eleven
• Initiera og følga opp førebyggande tiltak rundt elevgrupper/elevar for å sikra eit trygt og godt skulemiljø
• Bidra inn i arbeidet med kompetanseutvikling i personalet spesielt knytta opp mot Laget rundt læraren og eleven
  
• Støtta lærarane og miljøpersonalet i det daglege arbeidet, og delta i oppfølging av utfordrande enkeltsaker
  
• Vera del av nettverk mellom skulane og ungdomsteamet i Time kommune

Kvalifikasjonar

• Relevant utdanning:
  • bachelorutdanning, fortrinnsvis vernepleiar og barnevernspedagog
  • fagarbeidar, fortrinnsvis barne- og ungdomsarbeidar
• Det er ønskeleg med erfaring med arbeid blant ungdom frå skule eller alternativ opplæringsarena.
• Erfaring med arbeid både på system- og individnivå.
• Kunnskap om, og erfaring med å handtera åtferdsutfordringar hos barn
• Evne til å kommunisera godt med barn, ungdommar, føresette, og andre samarbeidspartnarar.
• Gode norskkunnskaper skriftleg og munnleg

Personlege eigenskapar

• Ein tydeleg, aktiv og engasjert vaksen
• God på å skapa gode relasjonar til elevane
• Aktiv bidragsyter til eit godt arbeidsmiljø
• Er med på å sikra eit godt samarbeid med føresette
• Har evne til å visa omsorg og tryggleik

Me legg vekt på at du

• Kan vera positiv og løysingsorientert i ein travel kvardag
• Er strukturert og samtidig fleksibel
• Kan arbeida både sjølvstendig og vera ein del av eit team
  
• Har godt humør og ei open og inkluderande haldning til både barn og vaksne

Vi tilbyr

• Ein av dei beste pensjonsordningar i landet!
• Lønn etter tariff/avtale
• Ein spennande, variert og fagleg utfordrande arbeidsplass i eit godt arbeidsmiljø
  
• Nært samarbeid med eit breitt fagmiljø i ein organisasjon i utvikling