Er du vår nye medarbeidar i psykisk helseteneste?

Vang kommune har ledig 80% fast stilling i psykisk helseteneste.

Psykisk helseteneste er eit helsetilbod retta mot menneske med utfordrande livssituasjonar; livskriser, psykiske lidingar og konsekvensar av dette hjå den enkelte, deira familie og nettverk. Tilbodet består av samtaler individuelt og i grupper, heimebesøk, informasjon og rettleiing. Det er utstrakt samarbeid med andre tenester, internt og eksternt.

Psykisk helseteneste er organisert under helseavdelinga, og samlokalisert med helsesjukepleiartenesta, friskliv, legekontor og ergoterapeut,  fysioterapeutar og kommunepsykologen i øvre Valdres.
Me er på jakt etter ein engasjert medarbeidar, som likar utfordringar. Saman med kollegaer vil du vera med på spennande og varierte oppgåver, utvikle tenesten og kunne fremje folkehelse i form av førebyggjande arbeid. Fagleg utvikling står i fokus.  Psykisk helseteneste har 3 stillingar inkludert fagleiar.

Arbeidsoppgåver

Oppfølging og behandling av personar med psyksike utfordringar / lidingar og/eller rusproblematikk

Leie gruppetilbod/undervisning/meistringskurs

Pårørandearbeid

Førebyggande arbeid

Dokumentasjon og planarbeid

Tverrfagleg samarbeid internt og eksternt.

Denne lista er ikkje uttømmande.

Kvalifikasjonar

Me søkjer deg som 
- har autorisasjon som sjukepleiar, vernepleiar eller tilsvarande

-anna relevant bachelor innan helse- og velferd, i kombinasjon med relevant vidareutdanning/erfaring frå arbeid med psykisk helsearbeid, kan og vurderast.

- vidareutdanning i rus- og psykisk helsefaglege emner blir vektlagt.
- erfaring frå arbeid med psykisk helse og/eller rusproblematikk er eit føremonn.
- god muntleg og skriftleg framstillingsevne
- gode datakunnskapar
- førarkort klasse B, eigen bil er eit føremonn

Vang kommune nyttar nynorsk som skriftmål.

Personlege eigenskapar

Me søkjer ein dyktig medarbeidar med

-interesse og engasjement for fagområdet psykisk helse og rus

- gjennomføringsevne og "stå-på" humør
- evne til å bygge gode relasjonar i møtet mellom menneske
- fleksibilitet ifht arbeidsoppgåver
- kunne arbeide sjølvstendig og ha evne til å skape framdrift åleine, men og ilag med andre
- vera ein god lyttar og vera god på å kommunisere
- fleksibel og løysingsorientert

Stillinga krev politiattest.  Attesten må leggjast fram før tiltreding

Vi tilbyr

Me tilbyr
spennande og utfordrande arbeidsoppgåver

eit godt, triveleg og tverrfagleg arbeidsmiljø
gode forhold for samarbeid, utvikling og kompetanseutnytting

konkurransedyktig løn etter avtale og arbeidsvilkår elles etter gjeldande lover, reglement og tariffavtalar

gode pensjons- og forsikringsordningar

dagarbeidstid med noko moglegheit for fleksitid

Flyttegodtgjersle

Støtte til relevant vidareutdanning etter gjeldande retningsliner