Leiar Voss Turistinformasjon 80-100% stilling

Som leiar for turistinformasjonen har du det overordna ansvaret for drifta av turistinformasjonen. Dette inkluderer personalansvar, med ansvar for vaktlister, tilsetjingar og oppfylging av dei andre tilsette i turistinformasjonen. Ein er også ansvarleg for innhald på alle digitale skjermar, anna informasjonsmateriell og utforming av turistinformasjonen.  

Arbeidsoppgåvene elles er sal av aktivitetar, rundturar og andre opplevingar, samt formidla informasjon om regionen i turistinformasjonen eller på telefon og e-post. 

Me søkjer deg som er over 18 år og er: 

• Strukturert og ryddig 
• Glad i å snakke med gjestar frå heile verda 
• Flink seljar  
• God til å takla eit hektisk arbeidsmiljø 
• Gjerne erfaring med personalansvar 
• Gjerne fagbrev reiseliv / resepsjon eller høgskuleutdanning. Erfaring og personlege eigenskapar kan vege opp for utdanning. 

Du må kunne norsk og engelsk flytande. Det er eit føremon om du kan fleire framandspråk i tillegg til engelsk.  

I stillinga må ein rekne med noko kveld- og helgejobbing. Konkurransedyktig løn og tiltreding etter avtale. Personlege utviklingsmoglegheiter.