Folkehelsekoordinator
Vang Kommune
- Frist 6.6.2022
- Ansettelsesform Fast
Folkehelsekoordinator
Folkehelsekoordinator jobbar med folkehelsa i kommunen på eit overordna nivå. Dette inneber å jobbe med systematisk og langsiktig samfunnsplanlegging inn mot alle sektorar og tenester i kommunen. Koordinere forebyggande innsats og helsefremjande arbeid er viktig i denne stillinga.
Kommunalsjef helse- og omsorg er næraste leiar
Arbeidsoppgåver
- Drive systematisk og langsiktig samfunnsplanlegging for å betre folkehelsa
- Hovudansvar for overisiktsarbeidet i kommunen, og delta i planarbeid og relevante saksområde for folkehelse (td. samfunnsplanar, sektorplanar, temaplanar)
- Finne områda i kommunen der det er behov for målretta helsefremjande innsats
- Halde fokus på behovet for førebygging og synleggjera behovet
- Utvikle samarbeidet mellom det offentlege, frivillige, næringslivet og andre aktørar for å setje iverk gode folkehelsetiltak
- Medverke til samarbeid mellom sektorar og tenester, samt ulike forvaltingsnivå
- Ta ansvar for folkehelsearbeidet gjennom å ansvarleggjera andre.
Faste arbeidsoppgaver, prosjekt og representasjon:
- Det løpande oversiktsarbeidet og oversiktsdokumentet
- Delta i planarbeid og medverke i utarbeiding av planar i kommunen
- Koordinere sektorar, helsefremjande og førebyggjande tiltak
- Medverke i arbeid innanfor miljøretta helsevern
- Kvalitetsreformen Leve hele livet
- Prosjektet Inkluderande frivilligheit
- Folkehelseprogrammet Smart oppvekst
- Oppvekstløftet (barnevernreforma og kompetanseløftet)
- Samarbeidsutvalet for Valdres friluftsråd
- Folkehelseforum Valdres
- Førebyggjande team i Vang kommune
- Folkehelseteamet i Vang kommune
- Organisere FA konkurransen – fysisk aktivitet for tilsette i Vang kommune.
- Stig og løypeplan – friluftslivets ferdselsårer
- Halde seg oppdatert på aktuelle støtte- og tilskottsordningar
- Delta i kommunedirektøren sine leiarmøter etter oppsett plan
- Delta i etatane sine leiarmøte ved behov
- Tett samarbeid med m.a. planavdelinga, frisklivssentralen og frivilligsentralen
Kvalifikasjonar
- Bachelor / master i folkehelse
- Annan relevant 3 - årig høgskule- / universitetsutdanning (t.d folkehelsearbeid, idrett/friluftsliv, samfunnsplanlegging) kan vurderast i kombinasjon med relevant erfaring.
Erfaring frå
- strategi- og planarbeid
- folkehelsearbeid
- kjennskap til utviklingstrekk i kommunesektoren og samfunnet elles
er eit føremonn, men ikkje eit krav
- god skriftleg og munnleg framstillingsevne
- gode datakunnskapar
- førarkort kl B, og bil er smart når du skal bu i Vang
Personlege eigenskapar
Du må kunne
- arbeide sjølvstendig og samstundes ha god evne til å samarbeide på tvers av faggrupper
- trivast med å arbeide sjølvstendig
- evne å skape framdrift åleine, men og ilag med andre
- ha stor arbeidskapasitet
- vera god til å kommunisere skriftleg og munnleg
- vera fleksibel og løysingsorientert
Me vektlegg personeleg eigenskapar
Vi tilbyr
Vang kommune tilbyr eit godt og utviklande arbeidsmiljø.
Tilsetjing på villkår som til eikvar tid gjeld i offentleg sektor, løn etter kvalifikasjonar og nærare avtale.
Interne søkjarar kan bli priortert ved rette kvalifikasjonar og krav om utvida stilling.
Stillinga kan, ved rette kvalifikasjonar kombinerast med stilling Frisklivsrettleiar, evt. andre utlyste stillingar søkjar er kvalifisert for.
Kommunen kan hjelpe med bustad, men sjekk og www.vangivaldres.no
Ein smak av Vang kommune: https://www.youtube.com/watch?v=wZkS7o1mtBU
www.vang.kommune.no
Om arbeidsgiveren
Vestlandsfjell og Austlandsklima er den slåande kombinasjonen som gjer Vangsnaturen unik. Når vangsgjeldingen i tillegg er kjent for eit godt lynne er resultatet ei fjellbygd av sjeldant godt merkje lengst vest i Valdres. I Vang finn du mykje av Jotunheimen, delar av Skarveheimen, fiskevatn, stølar, skiterreng, jaktterreng og all den plassen du kan ynskje deg av eit villmarksområde. Du finn også jordbruk, turisme og gründerar i eit levande og inkluderande bygdesamfunn. Vang er sentralt på ein litt usentral måte, det er 250 kilometer til både Oslo og Bergen og noko lenger til Trondheim. Altså er du midt i smørauget sør i Noreg i ein kommune som har framtidstru og satsar på gode kommunale tenestar på alle område: Nemnast kan nyrenovert skule med fleirbrukshall og eit rikt kulturliv.
Vang kommune er opptatt av mangfald og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn.
Vi gjer merksam på at søkarar kan få sitt namn gjort offentleg i søkarlista, sjølv om det er bedt om konfidensiell behandling. Du som søkar vil i tilfelle bli varsla på førehand om det.
Nøkkelord
Folkehelsekoordinator;, folkehelse;, bærekraft;, planlegging;, samfunnsplanlegging
- FINN-kode 258963852
- Sist endret