Vi søkjer ein trygg, engasjert og målretta miljøterapeut

Kollen Ungdomsbase har ledig ei fast deltidsstilling på 53,4 % frå d.d.

Stillinga er i turnus etter gjeldande regelverk. For tida dag- og kveldsvakter på kvardagar. Deltidstilsette kan i tillegg ta på seg ekstravakter.

Kollen ungdomsbase har ei sosialpedagogisk tilnærming med vekt på kognitiv miljøterapi i tillegg til traumesensitiv omsorg. Vi legg vekt på at ungdommane innafor trygge rammer, og i samhandling og aktivitetar med vaksne, skal oppleve mestring og ny læring for å oppnå endring og utvikling.

Målet for miljøterapien er at ungdommane skal utvikle hensiktsmessige tanke- og handlingsmønster slik at dei kan handtere kvardagen sin på ein best mogleg måte.

Arbeids- og ansvarsområder vil vere:

• Målretta og systematisk arbeid etter arbeidsmodellar frå Kognitiv miljøterapi. Traumesensitiv og profesjonell omsorg. Initiativ til kvardags- og fritidsaktivitet som gjev ny læring og mestring. I kvardagen må du vere ein stabil og truverdig vaksen og ein god rollemodell som kan planlegge og oppretthalde god struktur.
• I det daglege skal ein samarbeide med ungdommane, kollegaer, føresette og eksterne samarbeidspartar som skule og psykisk helsevern. I tillegg skal ein utføre daglege praktiske oppgåver ved institusjonen.
• Som hovedkontakt for ein ungdom, vil ein få ansvar for utarbeiding og oppfølging av plan- og rapporteringsarbeid.
• Miljøterapeutane vert i det daglege leia av avdelingsleiar.

• Det er ønskjeleg med fullført minimum 3-årig høgskuleutdanning (bachelore 180 studiepoeng) som barnevernpedagog, sosionom eller vernepleiar. Sjukepleiarar med relevant videreutdanning i psykisk helsearbeid er aktuelle. Fagarbeidarar med relevant erfaring frå institusjonsarbeid med ungdom og som er under bacheloreutdanning som barnevernpedagog, sosionom eller vernepleiar, kan også søkje.
• Fagleg integritet, samarbeidsevner, relasjonsbygging og ein robust personlegdom vert vektlagt
• Det er krav til gode munnlege og skriftelege norskkunnskapar og gode IT-ferdigheiter
• Du må ha førarkort kl. B med manuelt gir.

Det er også ønskjeleg at du har

• videreutdanning eller erfaring frå familieterapi, pedagogikk, psykiatri og rus, kartleggingskompetanse og TS. 
• erfaring frå intitusjonsarbeid med ungdom

• Som godt eigna miljøterapeut er du kjenneteikna ved å vere fleksibel utan å vere ettergjevande, sensitiv utan å miste den naudsynte profesjonelle distansen. Du må vere ein trygg og sjølvstendig vaksen som kan samarbeide og kommunisere godt med andre samtidig som du kan jobbe sjølvstendig og strukturert. Du er kjenneteikna ved at du kan bruke din autoritet uten å vere undertrykkande. Du er vital og optimistisk og ser små framsteg som viktige sigrar.
• For oss er det viktig at du har evne til å skape god kontakt med ungdommane og at du er ein positiv ressurs for arbeidsmiljøet. Dette vert vektlagt i den totale vurderinga ved tilsetting.
• Vi ber om at det vert gitt opp minimum to referanser som er fagleg relevant og av nyare dato.

Stillinga er plassert i statleg lønsregulativ i stillingskode 1489 miljøterapeut, 1495 barnevernspedagog, 1494 sosionom eller 1508 vernepleiar i lønsramme 15, alt. 6-11, for tida kr 413 500 - kr 507 600 pr.år (ltr 43-56).

Miljøterapeut under bacheloreutdanning er plassert i stillingskode 1488 i lønnsramme 17 alt. 5-11 for tida kr 373 200 - kr 468 300 pr. år i 100 % stilling (ltr. 35-51), eller som fagarbeidar i stillingskode 1203, lønsramme 11, alt. 7 for tida kr 364 800 - kr 407 900 pr. år i 100 % stilling (ltr.33 - 42 ).

Ved relevant vidareutdanning tilsvarande 60 studiepoeng, kan det tilsetjast i i stillingskode 1534 spesialutdanna miljøterapeut, 1510 spesialutdanna barnevernspedagog, 1185 spesialutdanna sosionom eller 1509 spesialutdanna vernepleiar, i lønsramme 18, alt. 9-11, for tida kr 491 200 - kr 543 500 pr.år (ltr 54-60). Løn vert vurdert etter utdanning og erfaring.

Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning, tilbod om bustadlån til konkurransedyktige vilkår, samt yrkesskade- og gruppelivsforsikring.

Vi kan dessutan tilby:

• Kurs, personalsamlingar og sosiale tiltak saman med gode kollegaer
• Rettleiing i Kognitiv terapi
• Godt fagleg miljø med gode støttespelarar i arbeidskvardagen
• Du får vere med på å løfte oss slik at vi kan gje barn og unge og familiane deira eit enno betre tilbod - noko som er ein verdi i seg sjølv

• Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulik kompetanse, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søkjer til å krysse av i jobbsøkjarportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut rette kandidatar brukar vi ikkje avkrysningane til noko anna enn anonymisert statistikk.
• Stillinga er for tida lagt til Kollen Ungdomsbase, Vestnes kommune i Møre og Romsdal
• Politiattest må framleggast ved eventuell tilsetting, jf lov om barnevern § 6-10, og forskrift om politiattest § 6. Denne attesten skal ikkje leggast med søknaden.
• Du kan be om ikkje å bli oppført på den offentlege søkjarlista. Dette må i så fall grunngjevast. Vi kontaktar deg dersom ønskjet ditt ikkje blir tatt til følge. Vi ber om at det vert gitt opp minimum to referansar som er fagleg relevant og av nyare dato.

Einingsleiar Janne Årset   tlf. 466 17 516, epost janne.arset@bufetat.no

Søknad med CV skal sendast elektronisk via lenke på denne sida.

Vitnemål og attestar med stadfesta stillingsstorleik og lengde, skal takast med til eit eventuelt intervju.