Utløpt

Vil du bidra til tryggleik for samfunnet og pasientar?

Arbeidsgiver: Helse Bergen
Stillingstittel: Ledig fast helgestilling ved Lokal sikkerheitsseksjon
Frist: 30.07.2021
Ansettelsesform: Fast

Bli kjent med Haukeland universitetssjukehus

Klinikk for Sikkerheitspsykiatri består av fire seksjonar. Regional sikkerheitsavdeling, Lokal sikkerheitsavdeling, Seksjon for fengselshelseteneste, og eit regionalt kompetansesenter for sikkerheits-, fengsels- og rettspsykiatri. Ansvaret vårt er å behandle pasientar lokalt frå Helse Bergen HF og frå Helseregion vest. Pasientar som blir innlagd ved sengepostane er underlagd tvungen psykisk helsevern etter § 3.3/ 3,2 i lov om psykisk helsevern eller dom til behandling etter §5.2 i lov om psykisk helsevern.

Eit viktig samfunnsoppdrag
Vårt samfunnsoppdrag er å gje behandling til alvorleg sinnslidande pasientar, som i tillegg treng høgt tryggleiksnivå for å verne samfunnet. Å finne ei optimal balanse mellom tryggleik og behandling for pasient, personalet og samfunnet for øvrig, er ei av våre viktigaste oppgåver. Målet vårt er å gje alle pasientane anledning til auka meistring i ulike fasar av sin sjukdom, samstundes som vi tar omsyn til samfunnets trong til tryggleik.

Sentrale oppgåver er å vurdere og handtere valdsrisiko og samstundes gje omsorg og behandling. Dette gjer vi gjennom fysisk utforming av sengepost, høg kompetanse og klare rutinar. Kvar pasient har ei tverrfagleg primærgruppe kor miljøpersonell, psykiater/psykolog, ergoterapeut, aktivitør og sosionom arbeider saman om å balansera mellom utvikling for pasienten og tryggleik for alle. Våre pasientar kan vere innlagde over lang tid, mens andre har kortare opphald. Pasienten sine ressursar og sårbare sider er det uansett god anledning til å bli kjent med.

Vil du bidra til å skape meining i tilværet for menneske med vanskelege tankar, åtferd og følelsar og som har utfordringar med mellommenneskelege relasjonar?

Lokal sikkerheitspost har no ledig faste helgestilling, pt. 3. kvar helg for snarleg tilsetjing. For å oppretthalde samansettinga i personalgruppa, oppfordrast menn til å søkje.

Vedkomande som får tilbod om tilsetjing må leggje fram tilfredsstillande politiattest (vandel), jfr psykisk helsevernloven § 4A-7 andre ledd.

Arbeidsoppgåver

Som pleieassistent ved avdelinga vår vil du ha varierte og utfordrande arbeidsoppgåver som:

- ansvar for oppfølging og ivaretaking av pasientar
- observere pasientar
- gjennomføre miljøterapeutiske tiltak
- følgje opp pasientars avtalar i henhald til behandlingsplan

Du vil delta i eit tverrfagleg samarbeid for å gje pasientar best mogleg opphald på avdelinga

Kvalifikasjonar

Ønskjeleg med erfaring frå psykiatri og miljøarbeid
Sjukepleiar/vernepleiar/hjelpepleiar/helsefagarbeidar/omsorgsarbeidar. For desse er det krav om norsk autorisasjon
Studentar innan sjukepleie-, vernepleie-, psykologi- og medisin
Søkjar må meistre norsk, både skriftleg og munnleg

Personlege eigenskapar

Du er initiativrik, interessert og har respekt for kvar enkelt pasient
Du er tilpassingsdyktig og taklar stressande situasjonar med ro og fagleg haldning
Du trivast i eit aktivt miljø
Du er ein god teamarbeidar og likar å jobbe tverrfagleg
Du bidrar til eit godt arbeidsmiljø
Du etterspør rettleiing

Vi tilbyr

Du vil få god opplæring og Introduksjonskurs
Opplæring i møte med Aggresjonsproblematikk (MAP)
Lønn i samsvar med gjeldande overeinskomst
Triveleg arbeidsmiljø
Dette er ein stilling som gir både fagleg og personleg utvikling
Vi har eit godt og inkluderande arbeidsmiljø med kompetente medarbeidarar
Gode pensjons- og forsikringsordningar

Mangfoldserklæring
Føretaksgruppa i Helse Vest ønskjer å spegle mangoldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulurell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Om arbeidsgiveren

Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Antall stillinger: 3
Sted: Sandviksleitet 1, 5036 Bergen
Bransje: Helse og omsorg
Stillingsfunksjon: Helsepersonell / Helsefagarbeider/hjelpepleier,; Helsepersonell / Vernepleier/miljøterapeut,; Sykepleier / Psykiatri