Det Vestnorske Teateret søkjer programansvarleg

 Vi søkjer no etter:  

Programansvarleg 

50 % stilling i 2 års engasjement (kan forlengast)

Vil du vere med på å utvikle Det Vestnorske Teateret sitt kulturtilbod "Nynorsklogen"?

Det Vestnorske Teateret er eit teater i rask utvikling. Vi er i ferd med å utvikle ei vital storstove for nynorsken i Bergen sentrum under programflata "Nynorsklogen" i Logen Bar og no treng vi ein programansvarleg med teft og gründer-evner. 

Programansvarleg skal vidareutvikle ein arena for t. d konsertar, opplesingar, små teaterframsyningar, uformelle møte, samtalar og debattar; altså eit breitt spekter kunstnarlege opplevingar for ei mangfaldig publikumsgruppe. Du vil jobbe tett saman med teatersjef i utvikling av program og konsept og få ein stor grad av ansvar og fridom for denne delen av teateret si verksemd. 

Vi ynskjer oss ein kollega som brenn for å vere i dialog med samfunnet og publikum og som kjenner seg i slekt med den vestnorske språkidentiteten. Du må ha gode samarbeidsevner og meistre praktisk planlegging av arrangement. Personen skal også ha ansvar for å bygge gode relasjonar internt og eksternt og plassere Nynorsklogen i eit felt der andre aktørar også kjenner eigarskap til den.

Ønska kvalifikasjonar:

• Høgare relevant utdanning/erfaring. 

• Gode kommunikasjonsevner, særleg nynorsk skriftleg

• God oversikt over kulturfeltet i regionen 

• Erfaring med prosjektleiing og budsjettansvar

• Erfaring med forhandlings- og kontraktsarbeid

• Ha gode digitale kunnskapar og vere strukturert

• Gode formidlingseigenskapar

Vi tilbyr:

• Kreativt arbeid i lag med kollegaer og kunstnarleg team

• Variable arbeidsoppgåver

• Fleksibel arbeidstidsordning

• Tariff-festa løn- og pensjonsavtale

Send søknad og cv innan 18. mai.

Har du spørsmål om stillinga? Kontakt teatersjef Solrun Toft Iversen på tlf 952 95 876