Ål kulturhus søkjer prosjektleiar i 80 %

Ål kommune er i startfasen for å etablere SPRANG, Landsdelsscene for Dans på Ål kulturhus, ei nasjonal scene som skal realiserast i omfattande samarbeid med aktørar frå heile landet. Hallingdal har lange tradisjonar innan folkedans og folkemusikk, og ei ny landsdelsscene skal vere med på å styrke Hallingdal som eit kraftsenter for nyskapande dans i Noreg, både innan folkedans og andre danseutrykk .

I denne samanhengen søkjer no Ål kulturhus ein prosjektleiar i 80% stilling. Du vil vere avgjerande for å skape innhald i den nye scena, samt utvikle scena som ei attraktiv scene for utleige, programmering, framsyning og utdanning. Stillinga er underlagt kulturavdelinga i Ål kommune og rapporterer til kulturhusleiar. 

Stillinga omfattar:

• Kommunikasjon og nettverksbygging lokalt og nasjonalt

• Strategisk og innhaldsmessig utvikling av SPRANG, Landsdelsscene for Dans

• Produksjonsplanlegging og programmering

• Sentral rolle i Sprang sitt styre

• Søknadsskriving og rapportering av mottekne midlar

• Planlegging av marknadsføring og marknadsaktivitar

ÅL KULTURHUS ynskjer følgjande kvalifikasjonar:

• Initiativrik, strukturert og effektiv
• Gode kommunikasjonsevner
• God kjennskap til dansebransjen
• God kjennskap til norsk folkemusikk og folkedans
• Gode samarbeidsevner
• Evner til strategisk og administrativt arbeid
• God munnleg og skriftleg framstillingsevne på norsk (bokmål og nynorsk) og engelsk
• Høgare utdanning, fortrinnsvis innan kulturfag eller dans
• Relevant arbeidserfaring kan erstatte kravet til utdanning

Arbeidsstad er Ål kulturhus, og ein må rekne med noe reiseverksemd i stillinga.

Løn etter avtale.

Med atterhald om endeleg godkjenning.