Overingeniør (50 %, mellombels)

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Ved Det medisinske fakultet, Institutt for biomedisin, er det ledig ei mellombels stilling som overingeniør (50 %) i eitt (1) år. Stillinga er ein del av prosjektet signaling metabolomics finanisert av Norges forskningsråd (NFR).

• metodeutvikling av kvantitative LC-MS-baserte metodar for målretta og ikkje-målretta metabolomikk  
• identifikasjon og kvantitering av metabolittar
• utvikling og bruk av ekstraksjonsmetodar for metabolittar frå biologiske prøver
• rutine-metabolomikk
• biokjemiske analysar, inkludert måling av protein og nukleinsyre-analyser
• dataanalyser ved bruk av standard statistisk og metabolomikk software

Det kan verte aktuelt å leggje andre oppgåver til stillinga.

• søkjar må ha mastergrad, helst ph.d.-grad, innanfor relevant fagområde
• søkjar må ha erfaring frå LC-MS metodeutvikling, dokumentert for eksempel med førsteforfattarskap i anerkjente tidsskrift
• erfaring frå rutineekstraksjon og metabolomiske analyser frå biologiske vev er naudsynt
• søkjar må ha erfaring med relevant dataanalyse og presentasjon av resultat
• det er ein føremon dersom kandidaten har erfaring frå tidligare rettleiing av studentar i laboratoriet  
• personen må vere ansvarleg, kunne arbeide i team, vere fleksibel og tilpassingsdyktig   
• omfattande relevant praksis er eit krav
• det er krav om gode språkkunnskapar og god evne til å kommunisere munnleg og skriftleg på engelsk

Vi søkjer ein person som:

• har gode kommunikasjons- og samarbeidsevner
• har digital kompetanse og evne til å tileigne seg nye ferdigheiter

Ved vurdering av søkjaren vil vi leggje stor vekt på dei personlege eigenskapane som er naudsynte for stillinga. 

• spennande og utviklande arbeidsoppgåver i et sterkt fagmiljø
• stilling som overingeniør (kode 1087) i lønssteg 53-57 (for tida kr 464 800 - 497 000). For særs kvalifisert søkjar kan høgare løn vurderast
• medlemsskap i Statens pensjonskasse
• gode velferdsordningar

Utfyllande opplysningar om stillinga kan ein få ved å vende seg til professor Jan Haavik, Institutt for biomedisin, tlf.: 55 58 64 32 eller e-post: Jan.Haavik@uib.no

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.