Frivillige tiltak i landbruket
Hå kommune
- Frist 30.8.2018
- Ansettelsesform Prosjekt
Prosjektleiarar
Frivillige tiltak i landbruket - 3-årige prosjektstillingar
Vi søker to prosjektleiarar i 60 prosent stillingar i perioden 2019 - 2021.
Om prosjektet Frivillige tiltak i landbruket."Frivillige tiltak i landbruket" blei etablert i 2004 for å betre vasskvaliteten i Jærvassdraga. Prosjektet utvidast nå til delar av Ryfylke. Det er eit samarbeidsprosjekt mellom Fylkesmannen i Rogaland og kommunane Hå, Time, Klepp, Gjesdal, Sola, Sandnes, Stavanger og Randaberg, Rennesøy, Finnøy og Forsand. Prosjektet skal følgje opp regional plan for vannforvaltning. Prosjektleiarane er tilsette i Hå kommune.
Arbeidsoppgåver
Målet med prosjektet er å motivere og legge til rette for frivillige tiltak i jordbruket for å betre vasskvaliteten. Rogaland er eit svært viktig jordbruksfylke, og den omfattande jordbruksproduksjonen gir mange stader utfordringar med næringsavrenning til vatn.
Arbeidsoppgåvene i prosjektet vert i samarbeid med styringsgruppa å:
- arbeide tett opp mot kommunal forvaltning for å ha nødvendig tyngde til å motivere den enkelte bonde til å ta omsyn til miljø
- vere medspelarar for bøndene i arbeidet med å betre tilstanden i vassdraga
- samarbeide med kommunane om å følgje opp regional plan for vannforvaltning
- drive informasjonsarbeid
- besøke og rettleie enkeltbønder
Kvalifikasjonar
Vi søker etter personar med god lokalkunnskap og kjennskap til jordbruket i prosjektområdet. Personane bør ha kompetanse og god kjennskap til miljøutfordringane i jordbruket. Personlege erfaringar kan kompensere for manglande formalkompetanse.
Vi legg vekt på personlege eigenskapar og samarbeidsevne i tillegg til god skriftleg- og munnleg framstillingsevne.
Dei tilsette må disponera bil. Attestar og vitnemål må tas med til intervju.
Tilsetjingsvilkår
Tilsetjinga skjer på dei vilkår og med dei pliktar som går fram av utlysinga, og dei til ei kvar tid gjeldande lover, reglement og tariffavtalar. Kommunen har gode pensjons- og forsikringsordningar med ulykkesforsikring i fritida. Kommunen har prøvetid på 6 månader og reglar for flyttegodtgjersle.
Søknad sendast
Hå kommune oppfordrar alle til søkja elektronisk på web www.ha.no/stilling. Ta kontakt dersom du har vansker med det.
Om arbeidsgiveren
Kommunen har ca 18.000 innbyggjarar, ei velfungerande skuledrift, full barnehagedekning og gode helsetilbod. Kommunen driv aktiv næringsutvikling. Dugnadskommunen Hå har eit rikt og variert organisasjonsliv og mange tur- og friluftsområde frå hav til hei.
- Sektor: Offentlig
- Antall stillinger: 2
- Sted: Rådhusvegen 8, 4360 Varhaug
- Bransje: Offentlig administrasjon
- Stillingsfunksjon: Prosjektledelse
- FINN-kode 127254432
- Sist endret