Leiar barn og unge

Likar du å jobba med barn på steget til ungdomstida?

Ønskjer du å gje dei eit møte med Jesus og ein verestad i kyrkja?

Kanskje er du den Lye forsamlingsstyre, i samarbeid med Time sokneråd, leiter etter. Du får vera med å skapa treffstadar for barn/unge på Lye forsamlingshus.

Arbeidsoppgåver:

Starta opp nytt arbeid for aldersgruppa 10-15 år.
Byggja opp leiartrening for aldersgruppa.

Samarbeida tett med trusopplæringa i Time sokn.

Samarbeida med anna arbeid for aldersgruppa på Lye.

Hjelpa barn/unge å høyra til på Lye forsamlingshus, veksa i tru og finna si teneste.

Skapa ein open veg inn i konfirmantarbeid og anna ungdomsarbeid.

Rekruttere, utruste og vegleia frivillige medarbeidarar.

Endeleg stillingbeskriving og arbeidsplan blir utarbeidd i samarbeid med den som vert tilsett.

Arbeidet er i stor grad ettermiddags-, kvelds- og helgearbeid.

Kvalifikasjonar:

Ønskjeleg med

-Utdanning innan barne- og ungdomsarbeid.
-Utdanning innan eller god kjennskap til kristen tru
-Erfaring frå kristent barne- og ungdomsarbeid

Søkjarar må dela Den norske kyrkja si tru og vedkjenning. 

• Personlege eigenskapar

  Kreativ og nytenkjande

  Engasjert og initiativrik

  Fleksibel og løysingsorientert

  Gode kommunikasjons- og formidlingsevner i møte med barn og unge.

  Strukturert med evne til å planlegga langsiktig.

  Evne til å jobba sjølvstendig og til å samarbeida med stab og frivillige.

    

  Vi tilbyr

  Tilsetting i Time kyrkjelege fellesråd. Stillinga er finansiert gjennom gjevarteneste.

  Godt og inspirerande arbeidsmiljø på Time kyrkjekontor

  Utfordrande  arbeidsoppgåver  og engasjerte kollegaer

  Løn etter avtaleverket på kyrkjeleg sektor

  Medlemskap i KLP

  Fleksibel avspasering

  Det daglege arbeidet blir leia av  Lye forsamlingstyre/ Time sokneråd.

  Jamnlege vegleiingssamtalar

   

  Anna

  Tid for oppstart etter avtale.

  Den som blir tilsett må leggja fram tilfredstillande politiattest (barneomsorgsattest)

  Opplysningar om samlivsform vil kunne bli innhenta og vektlagt ved tilsetting, jmfr. Arbeidsmiljølova §13,3.

  Personlege eigenskapar blir vektlagt ved tilsetting.