Førsteamanuensis/førstelektor/universitetslektor i forming - barnehagelærarutdanning

Søknadsfrist 31.03.2018

Universitetet i Stavanger søkjer etter førsteamanuensis/førstelektor/universitetslektor i forming. Stillingsstorleiken er 55 %. Det kan bli aktuelt å utvide stillingsstorleiken mellombels i periodar.

Arbeidsoppgåver og fagmiljø
Fagområde for stillinga er forming i barnehagelærarutdanninga. Stillinga er organisatorisk knytt til Fakultet for utdanningsvitskap og humaniora, Institutt for barnehagelærarutdanning.

Som førsteamanuensis/førstelektor vil du hovudsakleg undervisa og rettleia studentar innanfor forming, forska og formidla forskingsresultat innanfor relevante forskingsområde ved instituttet, samt bidra til utvikling av samarbeid med arbeidslivet. For universitetslektor vil arbeidsoppgåvene vere undervisning, vegleiing og eksamensarbeid relatert til det aktuelle fagområdet, samt administrative oppgåver.

Utvikling og bruk av varierte og digitale læringsmåtar i undervisninga, innovasjon og verdiskaping basert på resultat frå forsking, fagleg- og kunstnarisk utviklingsarbeid inngår i stillinga.

Stillingsomtala gir ei nærmare forklaring av fagområde og aktuelle oppgåver.

Kompetansekrav
Vi søkjer etter førsteamanuensis med doktorgrad eller tilsvarande kompetanse innanfor fagområdet. For førstelektor er det krav om vitskapelege arbeid knytt opp til fagområdet, som i omfang svarar til doktorgrad. For tilsetting som universitetslektor er det krav om høgare grads eksamen innanfor fagområdet og relevante forskingskvalifikasjonar utover mastergrads- eller hovudfagsnivå og/eller relevant yrkespraksis.

Formingspedagogisk/-didaktisk kompetanse vil bli særlig vektlagd. Søkjarar med relevant yrkespraksis frå barnehage, skule eller høgare utdanning vert føretrekt.

Du må kunne dokumentera pedagogisk og didaktisk kompetanse knytt til høgare utdanning, eller gjennomføra universitetspedagogisk kurs innan ein periode på to år frå tiltreding. Universitetet vil tilby kurset.

Vidare vert det lagt vekt på at du har:

• Ei reflektert og bevisst haldning til eiga undervisnings- og rettleiingsarbeid.
• Evne til å involvera og engasjera studentane i undervisning kor utdanninga sine mål, innhald og vurderingssituasjonar heng nøye saman.
• Erfaring med og/eller interesse for utvikling og bruk av varierte læringsmåtar og digitale reiskapar i undervisninga.
• Formidla forskingsresultat i anerkjente norske og internasjonale publiseringskanalar, og at du kan visa til progresjon i forsking og publisering.
• Evne til å initiera, skaffa ekstern finansiering til, driva og gjennomføra forskings- og utviklingsprosjekt.
• Erfaring frå samarbeid med arbeidslivet.
• Evne til å byggja og ivareta nettverk-regionalt, nasjonalt og internasjonalt.
• Erfaring med nyskaping, innovasjon og kommersialisering av forsking.
• Høg arbeidskapasitet, er nysgjerrig og motivert for å utvikla ny kunnskap saman med andre.
• Gode samarbeids- og kommunikasjonsevner, og evne til å bidra til eit konstruktivt arbeidsmiljø.

Arbeids- og undervisningsspråket er norsk og engelsk. Dersom du ikkje meistrar norsk eller eit anna skandinavisk språk, må du tileigna deg norskkunnskapar tilsvarande nivå B2 innan ein periode på to år frå tiltreding. Om nødvendig vil du få tilbod om norskkurs betalt av universitetet.

Dersom det ikkje melder seg søkjarar med tilstrekkeleg vitskapeleg kompetanse, kan det verta aktuelt å tilsetja midlertidig for inntil tre år med sikte på kvalifisering og fast tilsetjing. Søkjar må ha føresetnad om å skaffa seg nødvendige kvalifikasjonar i løpet av tilsetjingsperioden.

Vi tilbyr:

• Varierte arbeidsoppgåver i ein stor, spanande og samfunnsviktig organisasjon.
• Eit ambisiøst arbeidsfellesskap i positiv utvikling. Vi arbeider for å inkludera tilsette på alle nivå i strategiske avgjersler, fremja ein uformell atmosfære og ein flat organisasjons-struktur.
• Kollegabasert rettleiingsprogram det første året du underviser ved UiS, NyTi.
• Lønn etter statens lønnsregulativ, l.pl 17.510, kode 1011/1198, kr 500.000 - 611.000 bto. pr år, universitetslektor kode 1009, 450.000 - 550.000 i 100% stilling. I særskilte tilfelle kan høgare lønn verta vurdert.
• Medlemskap i Statens pensjonskasse som sikrar gode pensjonsrettar. Medlem kan søkja bustadlån til gunstige vilkår.
• Gunstig medlemskap på treningssenter og bedriftsidrettslag.
• Tilsetjing i IA-bedrift som er opptatt av å redusera sjukefråværet, auka del med redusert arbeidsevne og auke yrkesaktiviteten for eldre arbeidstakarar.
• Hjem-jobb-hjem, kollektivtransport til og frå jobb til gunstig pris.
• Som arbeidstakar i Noreg vil du ha tilgang til eit svært godt helsesystem og gode pensjonar, sjenerøs fødsels-/foreldrepermisjon og ei konkurransedyktig lønn. Barnehageplass er garantert og rimeleg, offentleg skole er gratis.
• Relocation-program ved flytting til Noreg, inkluderer bl.a. støtte og språkkurs for partnarar.

Generell informasjon
Søknaden din vil verta vurdert av ein sakkunnig komité. Hovudvekta i den sakkunnige vurderinga vert lagd på bedømming av innsende vitskapelege arbeid/dokumentert kunstnarisk verksemd og dokumentert undervisningskompetanse. Erfaring frå popularisering/formidlingsverksemd, fagpolitisk og fagadministrativt arbeid og eventuelt andre dokumenterte kvalifikasjonar med relevans for stillinga, vert også vurdert av dei sakkunnige.

Dersom det melder seg svært mange søkjarar, kan det verta aktuelt å avslå søknader før søknadspapira vert sende til sakkunnig komité for vurdering. Dette vil vera aktuelt for søkjarar som ikkje tilfredsstiller sentrale delar av kompetansekrava.

På bakgrunn av utsegn av sakkunnig komité vil aktuelle søkjarar bli innkalla til intervju og prøve-undervisning før innstilling vert gitt.

Det er ein føresetnad at den som vert tilsett, boset seg slik at vedkommande kan vera til stades ved, og tilgjengeleg for, fagmiljøet på arbeidsplassen i ordinær arbeidstid.

Nærmare opplysningar
Stillingsomtala gir nærmare greie for fagområde og aktuelle arbeidsoppgåver. Nærmare opplysningar om stillinga får ein ved å venda seg til instituttleiar Jorunn Melberg, tlf 51833499, epost jorunn.melberg@uis.no eller til førsteamanuensis Inger Sofie von Krogh, tlf 51833437, epost fie.v.krogh@uis.no. Opplysningar om tilsetjingsprosessen får ein ved å venda seg til Grete Marnburg, tlf 51833545, epost grete.marnburg@uis.no.

Søknad
Søk stillinga elektronisk via Søk stillinga på denne sida. Her vert søknadsbrev, relevant utdanning og erfaring registrerte.

Følgjande dokument vert lasta opp som vedlegg til søknaden, i separate filer:

• CV med fullstendig oversikt over utdanning og erfaring
• Relevante vitnemål og attestar
• Fullstendig liste over vitskapelege arbeid og kunstnarisk verksemd.
• Inntil 10 arbeid som dokumenterer undervisnings- og utdanningsfagleg kompetanse, sjå Retningslinjer for vurdering av undervisningskompetanse
• Inntil 10 vitskapelege arbeid som er sentrale i forskingsproduksjon din
• Dokumentasjon på annan aktivitet som skal vurderast i forhold til krava til stillinga.

Dokumentasjonen må vera på eit skandinavisk språk eller engelsk. Dersom vedlegga overskrid 30 MB til saman, må dei komprimerast før dei vert lasta opp.

Opplysningar og dokumentasjon som det skal tas omsyn til ved vurderinga, må vera registrerte innan utløp av søknadsfristen. Kontaktinformasjon til tre referansepersonar må ein finna i søknaden eller på førespurnad.

Vi gjer merksame på at opplysningar om søkjar kan bli offentleggjorde sjølv om søkjar har bedd om ikkje å bli oppført på offentleg søkjarliste, jf. offentlighetsloven § 25.

Stillingsomtale - førsteamanuensis/ førstelektor/universitetslektor i forming

Fagområde

Fagområdet for stillinga er forming i barnehagelærarutdanninga. Forming inngår i kunnskapsområdet Kunst, kultur og kreativitet , saman med faga musikk og drama. Stillinga kan bli tillagt undervisningsoppgåver i alle emne der forming inngår. Dette omfattar emne på bachelor- og masternivå. Stillinga kan og bli tillagt undervisning i fordjupingsemne og i nettbaserte emne. Ein del av arbeidsoppgåvene er knytt til studentane sine praksisperiodar.

Organisatorisk plassering

Tilsetjinga gjeld generelt ved Universitetet i Stavanger. Stillinga er organisatorisk plassert ved Fakultet for utdanningsvitskap og humaniora, Institutt for barnehagelærarutdanning. Informasjon om eininga kan ein finna på nettsidene våre. Førsteamanuensis/ førstelektor vil kunne delta i forskingsfellesskap på tvers av organisatoriske einingar.

Aktuelle oppgåver
Stillinga kan bli tillagt undervisningsoppgåver i alle emne der forming inngår. Dette omfattar emne på bachelor- og masternivå. Stillinga kan og bli tillagt undervisning i fordjupingsemne og i nettbaserte emne. Ein del av arbeidsoppgåvene er knytt til studentane sine praksisperiodar.Førsteamanuensis7førstelektor/universitetslektor skal saman med det andre vitskapelege personalet ivareta:

Utdanning

• Bidra til utvikling av fagleg sterke og relevante utdanningsprogram
• Vidareutvikla og styrkja dei faglege omdøma til utdanningsprogramma gjennom å gi undervisning og rettleiing av høg kvalitet, på bachelor-, master- og doktorgradsnivå.
• Bidra i og utvikla aktuelle etter- og vidareutdanningstilbod.
• Leggja til rette for læringa til studentane i tråd med læringsmåla til studieprogramma.
• Driva pedagogisk utvikling og læremiddelproduksjon
• Inngå i kontinuerlege kompetansehevingsprosessar knyta til undervisning og rettleiing
• Bidra ved utvikling av nye undervisningsmetodar og bruk av ulike digitale læringsressursar
• Gjennomføra studentevalueringar og driva kontinuerleg utvikling av kvaliteten til utdanninga.

Forsking, kunstnarisk utvikling og innovasjon (gjeld førsteamanuensis/førstelektor)

• Forska, driva fagleg- og/eller kunstnarisk utviklingsarbeid innanfor fagområdet.
• Initiera, skaffa ekstern finansiering til, driva og gjennomføra forskings- og utviklingsprosjekt.
• Driva anvendeleg næringsretta, praksisnær profesjonsretta og/eller samfunnsrelevant forsking, også på oppdrag frå, og i samarbeid med samfunns- og arbeidsliv.
• Delta i og utvikla forskingsfellesskap frå universitetet - programområde eller forskargrupper.
• Involvera studentar i forskings- og kunstnarisk utviklingsarbeid
• Bidra til innovasjon og verdiskaping basert på resultat frå forsking, fagleg- og kunstnarisk utviklingsarbeid.
• Involvera studentane i entreprenørskapsaktivitetar og bidra til å utvikla entreprenørskapskompetansen deira.
• Etablera nettverk og samarbeid med forskarar nasjonalt og internasjonalt

Formidling og samfunnskontakt

• Formidla forskingsresultat i norske og internasjonale publiseringskanalar.
• Drive populærvitskapeleg formidling.
• Bidra i fagleg anerkjende konferansar, nasjonalt og internasjonalt.
• Delta i fag- og samfunnsdebatten.
• Bidra til utvikling av samarbeid med samfunns-, kultur- og arbeidsliv
• Byggja og ivareta eit breitt nettverk med privat og offentleg sektor, nasjonalt og internasjonalt

Administrasjon

• Delta i fagstrategisk arbeid og ved å utarbeida nye undervisningsemne/fagfelt.
• Leggja til rette for eksamen, delta ved sensur.
• Delta i sakkunnige komitear og interne vurderingskomitear.
• Ta vare på verv i nasjonalt og internasjonale komitear, samt i råd og utval ved UiS.

Det vert venta at den som blir tilsett støttar opp om og deltar i dei andre aktivitetane ved fakultetet og kan ta på seg oppgåver på tvers av institutt- og fakultetsgrenser.

Ein årleg plan for det arbeidet som skal utførast vert sett opp etter samtale mellom instituttleiar og førsteamanuensis, dette i samsvar med universitetet sine retningslinjer for arbeidsplanlegging.

Kompetanseutvikling
UiS forventar at alle vitskapeleg tilsette driv kontinuerlig kompetanseheving av eiga undervisnings- og forskingsverksemd.

Den tilsette skal det første året delta på universitetet sitt kollegabaserte rettleiingsprogram, NyTi.

Førsteamanuensis/førstelektor/universitetslektor som ikkje kan dokumentera tilstrekkeleg pedagogisk og didaktisk kompetanse knytt til høgare utdanning, må delta på universitetspedagogisk kurs innan to år frå tiltreding.

Førsteamanuensis/førstelektor/universitetslektor som ikkje kan norsk eller eit anna skandinavisk språk, må tileigna seg norskkunnskapar tilsvarande nivå B2 (i samsvar med felles europeisk rammeverk for språk) innan ein periode på to år frå tiltreding.

Den tilsette kan søkja forskingstermin med lønn i samsvar med universitetet sine Retningslinjer for tildeling av forskingstermin .

Førsteamanuensis kan søkja kvalifikasjonsopprykk til professor i samsvar med Forskrift om ansettelse og opprykk i undervisnings- og forskerstillinger § 2-2. Førstelektor kan søkja kvalifikasjonsopprykk til dosent etter forskriftens § 2-3 og universitetslektor kan søkja kvalifikasjonsopprykk til førsteamanuensis eller førstelektor etter forskriftens regler.