Universitetslektor (50 %) i kunst med hovudvekt på keramikk og leire

Ved Institutt for kunst, er det ledig ei stilling som universitetslektor (50 %) i kunst med hovudvekt på keramikk og leire i seksårig åremål. 

Institutt for kunst, er ein del av Fakultet for kunst, musikk og design (KMD) ved Universitetet i Bergen som samlar leiande fagmiljø og tilbyr forskingsbasert utdanning på bachelor-, master- og ph.d.-nivå. Fakultetet har om lag 600 studentar og 180 tilsette.

Arbeidsoppgåver/forskingsområde

Universitetslektoren vil ha ansvar for utvikling, organisering og gjennomføring av undervisningsopplegg, hovudsakelig på bachelornivå. Universitetslektoren vil arbeide nært med andre i den faglige staben, som medlem av ei KU gruppe og saman med andre knytt til fordjupingsområdet leire og keramikk. Fordjupingsområdet leire og keramikk tar utgangspunkt i ein forståing av leire og keramikk som samtidskunstmedium og -materiale. Vi ønsker å forvalte ei utvida forståing av kva materialet, materialets historie, teknikkar og prosesser kan innebere og kva dette kan tilføre ein samtidskunstpraksis. Fordjupingsområdet leire og keramikk har fokus på skulptur, installasjon og performative strategiar og har et særleg fokus på stadspesifikke problemstillingar.

Arbeidsoppgavene omfatter undervisning, veiledning, ansvar for undervisningsopplegg, utviklingsarbeid og forskning innen fagfeltet, formidling, organisering og tilretteleggelse av disse oppgavene samt administrative oppgaver og eventuelle styringsoppgaver.

Institutt for kunst

Institutt for kunst har eit aktivt og internasjonalt utdanningsmiljø der studenten sin eigen kunstpraksis står i fokus. Vi har kompetanse på internasjonalt nivå innanfor åtte fokusområde: Måleri og teikning, skulptur og installasjon, keramikk og leire, tidsbasert kunst og performance, nye medium (lyd/video), tekstil, grafikk, og fotografi. Bachelorprogrammet vårt trekker til seg studentar frå heile Skandinavia. Masterprogramma i kunst og kuratorpraksis rekrutterer studentar frå heile verda.

Instituttet har gode verkstadfasilitetar som blir brukt både i undervisning og kunstnarleg utviklingsarbeid. Verkstadene har ei klar fagleg forankring. Vi har ein breitt samansett fagstab som er aktiv på kunstscena i Noreg og internasjonalt. Dette er ein føresetnad for eit levande undervisningsmiljø på instituttet. Det kunstnarleg utviklingsarbeidet og forskinga står sentralt og dannar grunnlaget for undervisninga. Blant samarbeidspartnarane våre er Bergen Assembly, Bergen Kunsthall og Nasjonalmuseet for kunst, arkitektur og design.

Fagmiljøa innan kunst og design vil i 2017 bli samlokaliserte i eit nytt bygg, spesialteikna for verksemda av Snøhetta. UiB arbeider for å etablere eit eige bygg for Griegakademiet - Institutt for musikk på nabotomta i Møllendal.

Kvalifikasjonar og eigenskapar

• dokumentert anerkjent kunstnarleg verksemd eller utviklingsarbeid av eit visst omfang
• Utdanning på høgaste nivå på kunstområdet frå Norge eller likeverdig utdanning frå utlandet eller tilsvarande dokumenterte kunnskapar
• dokumentert relevant praktisk-pedagogisk kompetanse på grunnlag av utdanning undervisning og rettleiing.

Den faglege kompetansen vil bli vurdert av ein sakkunnig oppnemnt av dekan. Dei best kvalifiserte søkarane vil bli kalla inn til intervju av ei intern intervjugruppe, vil måtte halde ei prøveførelesning for instituttets stab og studentar og ei prøverettleiing for ei gruppe studentar.

I tillegg vil det bli lagt vekt på

• perspektiv på eige potensial i forhold til kunstnarleg utviklingsarbeid
• evne til å sjå kunstpraksis i eit overordna/samfunns- og teoretisk perspektiv
• eit reflektert forhold til leire og keramikk som samtidskunstmedium/-material
• ein kunstpraksis med særleg vekt på stadspesifikke- /relasjonelle- / kontekstuelle strategiar
• gode samarbeidsevner med vekt på dialog og inkluderande fagleg kommunikasjon
• perspektiv på høgare kunstutdanning
• pedagogiske evner og engasjement
• organisatoriske evner og erfaring

Undervisningsspråket er til vanleg norsk, men kan òg vere engelsk. Det blir stilt krav om at den som vert tilsett, kan undervise på norsk eller eit anna skandinavisk språk innan to år etter tilsetjing. Søkjarar som ikkje kan dokumentere pedagogisk basisutdanning før tilsetjing vil få tilbod om opplæring.

Vi kan tilby

• Stilling som universitetslektor (kode 1009/lønsramme 25) i lønssteg 50 - 54 (for tida kr 435.500 - 465.000) i det statlege lønsregulativet. For særlig kvalifiserte søkjarar kan det bli aktuelt å vurdere høgare løn.
• Eit godt og fagleg utfordrande arbeidsmiljø
• Medlemskap i Statens pensjonskasse
• Stilling i ei inkluderande arbeidslivsverksemd (IA-verksemd)
• Gode velferdsordningar

Forholdet mellom undervisningsrelatert verksemd og kunstnarleg utviklingsarbeid er fastsett for den enkelte stilling. Tilsetjing i stillinga krev at ein har sin daglege arbeidsplass ved Universitetet i Bergen og deltek i instituttet si drift. Det blir kravd at ein rettar seg etter dei retningslinene som til ei kvar tid gjeld for stillinga. Korleis arbeidstida fordelast, går fram av den årlege individuelle arbeidsplanen som utarbeidast i dialog med den enkelte tilsette og instituttleiar. Instituttleiar har ansvar for å koordinere det totale studietilbodet ved instituttet.

Søknaden skal innehalde

• CV
• vitnemål
• attestar
• dokumentasjon av pedagogiske kvalifikasjonar
• materiale som dokumenterer kunstnarleg utviklingsarbeid og kunstnarleg verksemd

Søkaren må gjere greie for sine kvalifikasjonar knytt til dei forhold stillinga krev og vektlegg, mellom anna ei beskriving av intensjonar og mål for åremålsperioden. Det er viktig at søkaren tydeliggjer sine betraktningar og beskriv sitt syn på fagfeltets posisjon og muligheiter.

Søknaden skal sendast elektronisk innan oppgitt frist via lenke på denne sida SØK STILLINGEN . Last opp alle vedlegg som separate filer. Dersom vedlegga er større enn 15 MB må dei komprimerast før du laster dei opp.

Andre opplysingar

Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn og personar med nedsett funksjonsevne vert oppmoda om å søkje stillinga.

Universitetet i Bergen nyttar meirinnsyn ved tilsetjing i vitskapelige stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Fakultetet kan tilby ein interessant og krevjande stilling i eit miljø med høgt aktivitetsnivå, faglige utfordringar og gode samarbeidsforhold.

Utfyllande opplysningar om stillinga kan ein få ved å vende seg til: Instituttleiar Aashild Grana på tlf. + 47 - 55 58 73 00.

Nærare om tilsettingsprosessen her.