Vi skal ha ny kommunikasjonsdirektør

Fiskeri- og havbruk er dynamiske næringar som krev at forvaltinga er rask til å ta avgjerder og kome med løysingar for å vidareutvikle fiskeri- og havbrukssektoren. Dette omfattar også kommunikasjonsarbeidet i Fiskeridirektoratet og kommunikasjonsdirektøren må difor vere resultatorientert og kunne ta riktige val raskt.

Kommunikasjonsdirektøren i Fiskeridirektoratet skal leie kommunikasjonsstaben som for tida består av sju medarbeidarar, og skal bidra til å få det beste ut av ressursane i kommunikasjonsstaben. Internt i verksemda skal staben arbeide for ei open og tydeleg forvalting som skal opplevast som brukarvenleg for eksterne brukarar. Kontakt med Fiskeridirektoratets brukarar, media og publikum er viktige gjeremål.

Kommunikasjonsdirektøren er plassert i leiargruppa og rapporterer til fiskeridirektøren og er fiskeridirektøren sin primære rådgjevar i saker som omhandlar tilhøvet til media og publikum. Han eller ho er ansvarleg for det daglege strategiske og operative kommunikasjonsarbeidet i Fiskeridirektoratet og må kunne samarbeide med kollegaer på tvers i andre avdelingar og regionar for å bidra til at Fiskeridirektoratet når sine mål.

Det vil krevje gode leiareigenskapar og god kjennskap til alle relevante kommunikasjonsverktøy og kanalar for formidling av bodskap frå Fiskeridirektoratet. Riktig bruk av kommunikasjon og kommunikasjonsverktøy er viktige strategiske verkemiddel for å klare dette.

Kvalifikasjonar:

• Relevant høgare utdanning på master- eller bachelornivå
• Erfaring frå kommunikasjons- eller mediearbeid
• God kunnskap om kommunikasjon som strategisk verktøy
• Kjennskap til moderne kommunikasjonsplattformer og med evner og vilje til å ta desse i bruk
• Må ha god kjennskap til fiskeri- og havbrukssektoren
• Må ha erfaring frå og god kjennskap til offentleg sektor
• Særs gode evner til skriftleg og munnleg kommunikasjon på norsk og engelsk

Vi tilbyr:

• Fagleg og samfunnsmessig interessante oppgåver
• Gode kollegaer og godt arbeidsmiljø
• Fleksibel arbeidstid
• Løn frå: brutto kr. 720.000,- til kr. 790.000,- pr. år alt etter utdanning og tidlegare praksis 
• God pensjonsordning og høve til lån i Statens pensjonskasse

Personlege eigenskapar:

• Gode leiaregenskapar
• Gode samarbeidsevner 
• Resultatorientert og kreativ
• Snartenkt og fleksibel
• Evner å handtere press
• Strategisk

Den statlege arbeidsstyrken skal i størst mogleg grad spegle mangfaldet i folkesetnaden. Det er difor eit personalpolitisk mål å oppnå ein balansert alders- og kjønnsamansetnad og rekruttere personar med innvandrarbakgrunn. Kvinner vert oppfordra til å søkje. Fiskeridirektoratet har inngått avtale om eit meir inkluderande arbeidsliv (IA-avtale).

For nærare opplysningar om stillinga kontakt:  Fiskeridirektør Liv Holmefjord, tlf 03495 i Norge / +47 800 30 179 fra utlandet