Administrativ koordinator ved CISMAC

Ved Institutt for global helse og samfunnsmedisin, Senter for internasjonal helse (SIH),  er det ledig ei mellombels 100 % stilling, med moglegheit for fast tilsetting, frå 1. august 2017 til august 2018 som administrativ koordinator (prosjektleiar) knytt til instituttet sitt Senter for framifrå forsking (SFF), Centre for Intervention Science in Maternal and Child Health (CISMAC).

SFF-ordninga er driven av Noregs forskingsråd med føremål å etablere forskingssentra som driv konsentrert, fokusert og langsiktig forsking på høgt internasjonalt nivå.

Centre for Intervention Science in Maternal and Child Health (CISMAC) skal bidra til å betre helsa til mødre og barn ved å måle effekten av helsetiltak i låg- og mellominntektsland. CISMAC driv intervensjonsstudiar på mødre- og barnehelse og samarbeider med partnarar over store deler av verda, inkludert med Verdas Helseorganisasjon. Omlag 25 faste vitskapelege tilsette er knytt til SFF-en. I tillegg engasjerer delprosjekta mange ph.d.-kandidatar, postdoktorar og feltarbeidarar.

Utfyllande opplysningar om stillingane kan ein få ved å vende seg til noverande administrative koordinator for CISMAC, Marte Emilie Sandvik Haaland, tlf. 55588582, e-post Marte.Haaland@uib.no , eller  administrasjonssjef ved Institutt for global helse og samfunnsmedisin, Siri Smith; tlf 55 58 63 42, e-post Siri.Smith@uib.no.

Administrativ koordinator

CISMAC har ein eigen kjernestab. Administrativ koordinator vil vere ansvarleg for dagleg administrasjon av senteret og skal yte leiarstøtte og rapportere til den vitskaplege leiaren for CISMAC. Den som blir tilsett vil få overordna ansvar for eit breitt spekter av administrative oppgåver, mellom anna avtaleinngåingar, rapporteringsprosedyrar, informasjonsflyt, budsjettarbeid, økonomistyring. Administrativ koordinator vil bidra med søknadsskriving, utvikling og iverksetting av faglege strategiar og prosjektetablering, og assistere i kommunikasjon mellom partnarane og oppdragsgjevarar både i og utanfor Noreg. Arbeidsspråket vil hovudsakleg vere engelsk. Den som vert tilsett vil vere sakshandsamar for styringsgruppa til CISMAC og bidra til kommunikasjonen mellom styrings- og rådgjevingsorgana til CISMAC.

CISMAC er tett integrert i Senter for internasjonal helse ved Institutt for global helse og samfunnsmedisin. Administrativ koordinator vil kunne gjere bruk av administrasjonen til senteret og instituttet etter avtale med administrasjonssjef. Såleis er eit tett og godt samarbeid med instituttleiinga og instituttadministrasjonen særs viktig.

Kvalifikasjonar

• Mastergrad
• Relevant forskingserfaring
• Erfaring med koordinering av store forskingsprosjekt
• Erfaring med søknadsprosedyrar, prosjektstyring og eksterne finansieringskjelder
• God administrativ IT-kompetanse
• Kjennskap til relevante forskingsmiljø ved Universitetet i Bergen og relevante samarbeidspartnarar.
• Kunne nytte begge målføre, i tillegg til flytande engelsk skriftleg og munnleg
• Ein føremon om ein har eit tredje internasjonalt utbreidd språk

Søkjar må kunne dokumentere erfaring med:

• Utvikling av og forhandlingar omkring bilaterale forskings- og tekniske avtalar.
• Koordinering av administrasjon og implementering av støtte til prosjekt i utviklingsland.
• Erfaring frå samanstilling og skriving av prosjektrapportering, i tillegg til rekneskapsrapportar.
• Erfaring med organisering av møte, workshops og konferansar både nasjonalt og internasjonalt.

Personlege eigenskapar

• positiv, sjølvstendig, strukturert og målretta
• fleksibel og initiativrik
• gode kommunikasjons- og samarbeidsevner
• stor arbeidskapasitet og evne til å ha styring på mange prosessar samstundes
• Personlege eigenskapar vert sterkt vektlagd i vurdering av søkjarane.

Me kan tilby

• Løn etter lønssteg 58-66 (kode 1113) etter kvalifikasjonar. For særleg godt kvalifiserte søkjarar kan høgare løn vurderast.
• Varierte og utfordrande arbeidsoppgåver i eit spennande fagmiljø, i tillegg til eit godt arbeidsmiljø.
• Fleksibel arbeidstid og gode velferdstilbod.
• Medlemskap i Statens Pensjonskasse som inneber ei god tenestepensjonsordning, tilbod om bustadlån til gunstig rente og yrkesskade- og gruppelivsforsikring.

Her kan du lese meir om kva UiB kan tilby: www.uib.no/poa/karriere-ved-uib

Om rekruttering i statlege stillingar

Den statlege arbeidsstyrken skal i størst mogleg grad avspegle mangfaldet i folket. Det er difor eit personalpolitisk mål å få ei balansert alders- og kjønnssamansetning og rekruttere personar med nedsett funksjonsevne og personar med innvandrarbakgrunn. Personar med nedsett funksjonsevne og personar med innvandrarbakgrunn vert oppmoda om å søkje stillinga.

Opplysningar om søkjaren kan verte gjort offentlege sjølv om søkjaren har oppmoda om ikkje å verte ført på søkjarlista. Dersom oppmodinga ikkje vert teken til følgje, skal søkjaren varslast om dette.

Den som vert tilsett må rette seg etter dei retningslinene som til kvar tid gjeld for stillinga.

Slik søkjar du stillinga

Send søknad elektronisk via lenkja Søk stillingen på denne sida.

Søknaden skal innehalde:

• søknadsbrev der du skriv noko om din motivasjon for stillinga, kvifor du søkjer og kvifor du passar til stillinga
• oversikt over utdanning og arbeidserfaring (CV)
• attesterte kopiar av vitnemål og relevante attestar
• to referansar (namn og kontaktinformasjon)

 Søknadane vert sendt elektronisk til nemnda som skal vurdere desse.

Vi gjer merksam på at søknadar vert vurdert med den informasjonen som ligg føre i JobbNorge når søknadsfristen går ut. Det er søkjar sitt ansvar at alle relevante vedlegg er lagt inn innan fristen.

Søknadar på e-post vil ikkje verte vurderte.