60% fast stilling som leiar for BUA

Bjørnafjorden kommune har over 26 000 innbyggjarar og rundt 1 800 dedikerte kommunalt tilsette. Vi er ein nær og inkluderande kommune, noko som blir spegla i vår misjon: "Det gode livet for alle." Som medarbeidar hos oss bidreg du til viktige oppgåver som gjer ein forskjell for både innbyggjarane og lokalsamfunnet. Du betyr noko og det du gjer har ein verdi!

BUA-utstyrssentral er ei teneste under Os frivilligsentral og Kultureininga. Sentralen har utlånspunkt både i Os og i Eikelandsosen med gratis utlån av idretts- og friluftsutstyr til alle sesongar. Barn og unge er viktigaste målgruppa. 

Vi lyser etter ein kreativ og handlekraftig person som vidareutvikle BUA-ordninga i kommunen.

Viser også til utlysing av 20% stilling som engasjement i BUA. Det er mogleg å kombinera dei to stillingane.

Arbeidsstad: Os frivilligsentral med kontor på Osøyro

Arbeidet omfattar: Kundehandtering og klargjering av utstyr/lokale

Driftsansvar: Innkjøp og planlegging aktivitet. Samarbeid med frivillige og andre aktørar

Kvalifikasjonar:
- Vidaregåande utdanning og relevant høgskuleutdanning
- Vera glad i folk og friluftsliv
- God kompetanse på friluftsutstyr
- God formidlingsevne og kyndig på sosiale media
- Erfaring frå arbeid med barn og unge er ein fordel
- Du må ha førarkort

Det vert lagt vekt på personlege eigenskapar og at du er:
-Sjølvstendig
-Strukturert
-Løysingsorientert
-Effektiv
-Fleksibel
-Gode kommunikasjons- og samarbeidsevner
-Motivert og engasjert medarbeidar

Vi tilbyr:
- Faglege og personlege utfordringar i eit godt og inspirerande arbeidsmiljø.
- Meiningsfulle arbeidsoppgåver
- Gode pensjons- og forsikringsordningar.
- Stillinga vert løna etter gjeldande avtale

Etter utløp av søknadsfristen vil det bli utarbeidd ei offentleg søkjarliste. Denne vil innehalda namn, alder, stilling eller yrkestittel og dessutan bustad- eller arbeidskommune for kvar søkjar. Det kan gjerast unntak frå innsyn dersom ein søkjar ber om det, men opplysningar kan likevel bli offentleggjort i samsvar med gjeldande regelverk. Dersom ei oppmoding om unntak ikkje blir teken til følgje, vil søkjaren bli varsla.

Vi vil aldri be søkjarar om å oppgi BANK-ID-informasjon i søknadsprosessen.