Dagleg Leiar i nye BROKKE AS

Brokke i Valle kommune er i sterk vekst, og no søker vi ein drivande og målretta leiar som kan ta destinasjonen til nye høgder! Som dagleg leiar vil du ha hovudansvaret for å vidareutvikle Brokke som eit attraktivt heilårs reisemål og opplevingssenter. Med ansvar for både Brokke Alpinsenter AS og Brokke AS, skal du sikre ei samordna drift som gir hytteeigarar, lokalbefolkning og tilreisande unike opplevingar - året rundt.

Ansvarsområde:

• Totalansvar for drift og utvikling av Brokke Alpinsenter AS og Brokke AS
• Sørgje for solide økonomiske resultat og drive vekst i begge selskapa
• Leie marknadsførings- og sponsorarbeid for å sikre vidare synlegheit og attraksjonskraft
• Bygge sterke, langsiktige relasjonar med både private og offentlege aktørar
• Utvikle nye prosjekt og søkje tilskot for å realisere framtidige investeringar
• Personalansvar i begge selskapa
• Stillinga er 100 %

Vi ser etter deg som:

• Høgare utdanning innan økonomi, leiing, marknadsføring, logistikk, eller anna relevant fagretning. Erfaring kan kompensere for formell utdanning
• Har eit skarpt blikk for både marknad og drift, og kan bygge Brokke som ein attraktiv destinasjon
• Har erfaring som leiar, og kan vise til god forretningsforståing
• Evner å tenkje strategisk og handle operativt for å sikre vidare vekst og utvikling
• Er ein sterk relasjonsbyggjar, som kommuniserer godt med både samarbeidspartnarar, offentlege instansar og kundar

Vi tilbyr:

• Ein spennande og utfordrande leiarstilling der du får stor påverknad på utviklinga av Brokke som ein av regionens mest attraktive destinasjonar
• Moglegheita til å jobbe med både kortsiktige og langsiktige strategiar som vil forme framtida for Brokke som heilårsdestinasjon
• Eit dynamisk arbeidsmiljø der du får jobbe tett med engasjerte tilsette, samarbeidspartnarar og eit ressurssterkt styre
• Konkurransedyktige vilkår og løn etter avtale
• Fleksibilitet i rolla og god moglegheit for fagleg og personleg utvikling
• Med denne rolla får du vere med på ei spennande vekstreise og realisere potensialet til Brokke!
• For rett kandidat vil det kunne leggast til rette for ei pendlarordning etter gitte krav

Er du klar for utfordringa? Vi ser etter ein visjonær leiar med handlekraft som kan ta Brokke til neste nivå. Send oss din søknad i dag! Dagleg leiar rapporterer til styret.

For ytterlegare informasjon om stillinga, kontakt Partner i Adept Per Erik Johannessen mob: 913 93 364 epost: pererik@adeptrekruttering.no

Brokke er ein heilårsdestinasjon i sterk vekst, i hjartet av Setesdal, berre 2 timar frå dei befolkningsrike kystkommunane i Agder. I vintersesongen blir det tilbydd over 50 km med nypreparerte løyper, samt eit alpinanlegg med heile 5 nedfartar. Dei siste åra har vi arbeidd målretta med ein strategisk retning for å bli ein prioritert destinasjon og hytteutviklingsområde, med hovudfokus på å skape fasilitetar for gode familieopplevingar, samt å leggje til rette for fysisk trening og sterke naturopplevingar, med nærleik til både Suleskarvegen og Setesdalheiane elles. Per 2024 er det om lag 800 hytter i området, med knutepunkt og nærleik til Brokke Alpinsenter.

Samarbeidet med grunneigarar, hyttefolk, utbyggjarar, partnarar, lokalbefolkning og lokale politiske krefter er avgjerande for den vidare utviklinga.