Direktør for risikoovervaking og makrotilsyn

Arbeidsgiver: Finanstilsynet
Stillingstittel: Direktør for risikoovervaking og makrotilsyn (ref. nr. 2024/20)
Frist: 01.05.2024
Ansettelsesform: Fast

Finanstilsynet søker direktør til nyoppretta avdeling for risikoovervaking og makrotilsyn.

Makro- og bransjeanalysar er viktige grunnlag for tilsynsverksemda og for Finanstilsynets vurderingar og kommunikasjon knytt til mellom anna finansiell stabilitet, velfungerande marknader og tilsynsmessig oppfølging på ulike område. Vidare har avdelinga eit overordna ansvar for arbeidet med kvitvasking og terrorfinansiering, tilsyn med IKT-bruken i føretaka og dei brukarretta delane av betalingssystemet, og dessutan leiinga av Beredskapsutvalet for finansiell infrastruktur (BFI). Avdelingsdirektøren rapporterer til Finanstilsynsdirektøren, er medlem av Finanstilsynets leiargruppe og møter i Finanstilsynets styre. Vedkommande må kunne sikkerheitsklarerast på nivå hemmeleg.

Arbeidsoppgåver

Direktøren har det faglege og administrative ansvaret for leiinga av avdelinga. Viktige oppgåver er å planlegge og gjennomføre avdelinga sine aktivitetar på ein måte som bidrar til god måloppnåing, koordinere aktivitetar med andre avdelingar og bidra til å vidareutvikle den samla verksemda til Finanstilsynet. Avdelingsdirektøren må følge fagområda til avdelinga tett og sjølv ta aktivt del i behandlinga av viktige enkeltsaker. Stillinga inneber mykje kontakt med føretak under tilsyn, bransjeorganisasjonar og andre myndigheiter, både nasjonalt og internasjonalt. Avdelinga består av fire seksjonar med til saman om lag 50 medarbeidarar.

Kvalifikasjonar

relevant høgare utdanning på masternivå, fortrinnsvis økonom
god kjennskap til regulering av og tilsyn med finansnæringa
erfaring frå arbeid innanfor eit eller fleire av avdelinga sine ansvarsområde
god kjennskap til statsforvaltninga og norsk samfunnsliv
leiarerfaring frå relevant offentleg eller privat verksemd
god munnleg og skriftleg framstillingsevne på norsk og engelsk

Personlege eigenskapar

Følgande eigenskapar vil bli vektlagde:

gode samarbeidsevner og evne til å utvikle og motivere medarbeidarar
evne til å sjå moglegheiter, fornye og vidareutvikle arbeidsmetodar og tilsynsprosessar
stor arbeidskapasitet og leveringsevne
evne til sjølvstendig, nøyaktig og analytisk arbeid

Personlege eigenskapar vil bli vektlagde.

Vi tilbyr

spennande og varierte arbeidsoppgåver i eit godt arbeidsmiljø med høg fagkompetanse
gode moglegheiter for eiga fagleg utvikling
gode velferdsordningar og ein fleksibel personalpolitikk
medlemskap og moglegheit for lån i Statens pensjonskasse
fleksibel arbeidstid og betalt overtid
gode treningsfasilitetar og moglegheit for å trene i arbeidstida
tiltreding og lønn etter avtale

Anna

Etter utløpet av søknadsfristen vil det bli utarbeidd ei offentleg søkarliste, jf. offentleglova § 25.
Søkarar må legge ved vitnemål med karakterar og relevante attestar.
Søknaden kan skrivast på nynorsk eller bokmål.
Vi utfører bakgrunnssjekk av vedkommande som blir tilsett i stillinga.
Tilsette i Finanstilsynet må følge strenge etiske retningslinjer, sjå: https://www.finanstilsynet.no/jobbhos-oss/#Etiskeretningslinjer
Finanstilsynet er opptatt av mangfald, og vi oppmodar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn eller hol i CV-en. Dersom det er mogleg, vil vi legge til rette for medarbeidarar som har behov for det. For positiv særbehandling, sjå: http://arbeidsgiver.difi.no/positivsaerbehandling
For nærmare omtale av Finanstilsynet, sjå: www.finanstilsynet.no

Om arbeidsgiveren

Finanstilsynet arbeider for at finansinsføretak og finansmarknader fungerer trygt og effektivt til det beste for samfunnet og brukarane av finansielle tenester. Vi har om lag 340 tilsette og held til i Oslo sentrum. Vi legg til rette for eit godt arbeidsmiljø, tar omsyn til klima- og miljøutfordringar og er sertifisert som Miljøfyrtårn.

Sektor: Offentlig
Lederkategori: Leder
Sted: Revierstredet 3, 0151 Oslo
Bransje: Bank, finans og forsikring
Stillingsfunksjon: Økonomi og regnskap / Samfunnsøkonomi
Arbeidsspråk: Norsk,; Norsk