Vi søkjer rektor til Valle skule

Valle skule og SFO er ein viktig institusjon i nærmiljøet vårt, og no søkjer vi etter ein dedikert og inspirerande rektor som skal leie skulen inn i ei spennande framtid. Skulen har ei tydeleg målsetjing om å tilby inkluderande opplæring, fremje eit positivt læringsmiljø og styrkje samarbeidet mellom elevar, lærarar og foreldre.

Som rektor for Valle skule vil du spela ei sentral rolle i oppvekstsektoren hjå oss. Vi legg stor vekt på å vidareutvikle ein inkluderande skule, tilrettelegginga for tilpassa opplæring, tidleg innsats og eit stimulerande læringsmiljø. Vi jobbar målretta og tverrfagleg for å fremje robustheit blant barn og unge som trivst og utviklar seg optimalt. I Valle ynskjer vi å dyrke ein kultur der born og unge er robuste – både mentalt og fysisk.

Gjennom kompetanseløftet i skulen har vi som mål å bidra til auka læringsutbyte og trivsel blant elevane, samt å styrkje skulen si evne til å møte dei stadig aukande krava til kvalitet i utdanninga. Dette inneber òg å utvikle ein skulekultur prega av kontinuerleg læring og forbetring.
Rektor ved Valle skule er ein sentral del av Valle kommune si leiargruppe og rapporterer direkte til kommunedirektøren. Pr. i dag har rektor ansvaret for vaksenopplæringa og flyktningtenesta. 

Ansvarsområde og arbeidsoppgåver:

• Overordna leiing med fokus på strategisk retning for skulen
• Fremje eit inkluderande og trygt læringsmiljø
• Administrasjon og koordinering av dagleg drift i tråd med gjeldande lover og avtalar
• Utvikling og implementering av pedagogiske initiativ for å forbetre læring og læringsmiljø
• Sikre effektiv kommunikasjon med elevar, foreldre og lokalsamfunn
• Personalleiing og kompetanseutvikling av tilsette på skulen 

Ynskjelege kvalifikasjonar:

• Godkjend pedagogisk utdanning og erfaring frå skuleverket
• Skuleleiarutdanning er ein fordel, eventuelt vilje til å ta dette (til dømes rektorskulen)
• Kjennskap til, og forståing for, aktuelle pedagogiske trendar og metodar
• Evne til å handtere endringsprosessar og motivere tilsette
• Relevant leiarerfaring, helst frå skulesektoren
• God skriftleg framstillingsevne (nynorsk)
• Gode digitale ferdigheiter

Personlege eigenskapar:

• Tillitvekkande leiarstil med gode samarbeidsevner, tydeleg kommunikasjon og inkludering
• Engasjert og motivert for utviklinga av skulen 
• Handlekraftig og evne til å take avgjerd
• Evne til å skape eit positivt arbeidsmiljø og inspirere tilsette og elevar
• Gode kommunikasjonsevner og evne til å byggje positive relasjonar

Me tilbyr:

• Ei nøkkelrolle og del av kommunedirektøren si leiargruppe
• Varierte og utfordrande arbeidsoppgåver med fleksibel arbeidstid i eit godt arbeidsmiljø
• Kollegaer med fagleg breidde, godt humør og som har lyst til å gjere ein skilnad
• Gode høve for kurs, vidareutdanning og fagleg/personleg utvikling
• Løn etter avtale, god pensjons- og forsikringsordning gjennom KLP
• Kommunen kan hjelpe til med å skaffa rimeleg bustad
• Bedriftsleilegheit sentralt i Kristiansand
• Gode kultur- og fritidstilbod for ulike interesser og aldersgrupper

Alle kvalifiserte kandidatar uansett alder, funksjonsevne, kjønn, seksuell orientering, religion eller etnisk bakgrunn vert oppmoda om å søkje. Arbeidsplassar i Valle kommune skal pregast av mangfald. Aktuelle kandidatar vert inviterte til intervju. Namnet ditt vil normalt verte offentleggjort i forenkla søkjarliste. Du kan be om at namnet ditt vert unnateke offentlegheit, men då må du grunngjeve dette skriftleg, jf. offentleglova §25. Kan ikkje kommunen imøtekome dette, vil du verte varsla før søkjarlista vert ferdigstilla. Politiattest må framleggast før tilsetjing. For meir informasjon om stillinga er du velkomen til å ta kontakt med kommunedirektør Vidar Homme, tlf; 900 18 240, eller rådgjevarane våre i Headvisor, Merete Svendsen, tlf; 951 86 331, Janne Siri Horne, tlf; 907 21 164. Søknad / CV må sendast innan 1. mai.