Kommunalsjef teknisk, landbruk og miljø
- Arbeidsgiver
- Fjord kommune
- Stillingstittel
- Kommunalsjef
- Frist
- 28.04.2024
- Ansettelsesform
- Fast
Fjord kommune er på jakt etter ein dyktig, erfaren og utviklingsorientert leiar til stillinga som kommunalsjef teknisk, landbruk og miljø (TLM). Du vil vere direkte underlagt kommunedirektøren og inngår i strategisk leiargruppe. Stillinga opererar i spennet mellom drift og utvikling, styring og leiing og har ei sentral rolle med stor grad av påverknad i tenesteområda og kommunen generelt. Som kommunalsjef for TLM har du hovudarbeidsstad på Rådhuset i Valldal.
Kommunen er delt inn i ein tre-nivåmodell med tre kommunalsjefar innafor teknisk, oppvekst og kultur og helse, omsorg og velferd. Som kommunalsjef vil du ha ein sentral rolle i å planlegge og utvikle kommunen inn i framtida. Demografiske endringar, økonomiske rammer og aukande oppdrag gir behov for nye/endra arbeidsmåtar og digital utvikling. Vi har behov for ein tydeleg leiar som kan vere med å utvikle, drifte og leie sektoren. Det viktigaste er å gi gode tenester til våre innbyggarar og der vil du vere ein pådrivar til å finne gode løysingar for god økonomisk- og ressursutnytting innafor eigen sektor, men også tverrfagleg.
Fjord kommune er på jakt etter ein person som er flink til å leie, motivere, tenkjer innovativ, har gjennomføringsevne og kan spele på lag.
Aktuelle søkjarar vil bli innkalla til intervju og tilsetting skjer etter gjeldande lover, reglement og tariffavtalar.
Arbeidsoppgåver
- Sikre gode TLM-tenester i kommunen
- Tar initiativ til å gjennomføre endring og utvikling i eigen sektor
- Sikre oppfølging av økonomi- og budsjettansvar
- Bidra til å utvikle leiarane i sin sektor og oppfølging av desse
- Utarbeide og delta i sektoren og kommunen sitt strategiarbeid
- Behandle administrative og politiske vedtak samt sakshandsaming til politiske utval.
- Interkommunalt samarbeid som ligg til kommuneområdet
- Ta i bruk digitale løysingar og teknologi som kan vere med å utvikle tenestane
Kvalifikasjonar
- Relevant universitets- eller høgskuleutdanning og arbeidserfaring innafor fagfeltet.
- Relevant erfaring frå kommunal- og/eller offentleg sektor
- Kunnskap og erfaring med økonomi- og ressursstyring
- Gode leiareigenskapar og relevant erfaring som leiar frå offentleg eller privat verksemd.
- God skriftleg og munnleg framstillingsevne - kommunen har nynorsk som målform
- Erfaring frå omstilling-, utvikling-, og prosjektarbeid
- God digital kompetanse.
Personlege eigenskapar
- Sjølvstendig og med god gjennomføringsevne
- Utviklings og resultatorientert
- Strategiske og analytiske evner
- Dyktig til å delegere, motivere, utvikle og kommunisere med sine medarbeidarar.
- Mestrar og trivast med å arbeide i ein politisk styrt organisasjon
Vi Tilbyr
- Ei spennande toppleiarstilling med varierte arbeidsoppgåver
- Høve til eigen vidareutdanning/utvikling
- Gode lønns- og arbeidsvilkår
- God pensjons- og forsikringsordning
Om arbeidsgiveren
Fjord kommune ligg, midt i det kjende, vestlandske fjordlandskapet, i Møre og Romsdal.
Fjord kommune som har litt under 2500 innbyggjarar, byr på svært gode oppvektsvilkår, eit attraktivt kulturliv og attraktive områder for friluftsliv, både sommar og vinter. Deler av dette området har fått Unescos verdsarvstatus.
Fjord kommune har eit spennande næringsliv som spenner om reiseliv, primærnæring, innovative nysatsingar innan oppdrett og møbelindustri og ulike andre former for industriell produksjon, men også fleire verksemder innan bygg og anleggsbransjen. Fjord kommune tar mål av seg til å vere ein kommune med fokus på tilrettelegging for lokalt næringsliv. Kommunen har også klare mål om å utvikle dei kommunale tenestene på ein god og effektiv måte til beste for innbyggjarane. Les meir om kommunen via www.opplevfjord.no
- Nettverk
- Sektor
- Offentlig
- Lederkategori
- Leder
- Sted
- Olavsgata 10, 6210 Valldal
- Bransje
- Bygg og anlegg,
- Offentlig administrasjon,
- Annet
- Stillingsfunksjon
- Ingeniør,
- Ledelse,
- Prosjektledelse
- Arbeidsspråk
- Norsk
Nøkkelord
kommune, samfunnsplanlegging, næringsutvikling, innovasjonsprosesser, leiing
Spørsmål om stillingen
- Kontaktperson
- Bjørn Inge Ruset
- Stillingstittel
- Kommunedirektør
- Mobil
- 92 64 19 26
Olavsgata 10, 6210 Valldal