Austevoll kommune søker ein utviklingsorientert leiar til avdelinga bygg og eigedom!
- Arbeidsgiver
- Austevoll kommune
- Stillingstittel
- Leiar bygg og eigedom
- Frist
- 08.04.2024
- Ansettelsesform
- Fast
Leiar bygg og eigedom
Om arbeidsstaden
Samfunnsutvikling er ei eining med om lag 35 tilsette og blir leia av kommunalsjef. I denne eininga inngår, kultur- og næring, folkehelse og frivilligarbeid, plan- og byggesak, FDV (forvaltning, drift og vedlikehald), brann/redning/beredskap og utbyggingsprosjekt.
FDV har 9 tilsette og driv med forvaltning, drift og vedlikehald av kommunen sin eigedom; bygg, vegar, idrettsanlegg og kaiar. FDV har ansvar for oppfølging av teknisk tilsyn, forbruk av energi, dagleg reinhald og vedlikehald. FDV har base på Austevoll brannstasjon og det er eit tett samarbeid med brann/redning/beredskap. Eininga har eit godt arbeidsmiljø og er i utvikling for å møta nye utfordringar og oppgåver.
Om stillinga
Stillinga er nyoppretta og rapporterer til kommunalsjef. Leiar bygg og eigedom har det overordna administrative, faglege og personalmessige ansvaret for eininga, samt medansvar for budsjett og rekneskap. Avdelinga har ansvar for forvaltning, drift og vedlikehald av kommunen sine anlegg som kommunale bygg og bustadar, kommunale eigedomar, veg og hamn. Oppgåvene i stillinga er både strategiske og operative.
Vi søkjer deg som har eit strategisk blikk og som over tid kan vere med å vidareutvikla vår organisasjonskultur og ein arbeidsplass kor tilsette trivst, utviklar seg og gis rom til å gjere ein best mogleg jobb innafor kommunen sine gjeldande økonomiske rammer.
Leiar bygg og eigedom må evne å halde ei god økonomistyring og utvikle metodikk for å sikre at midlar brukast riktig basert på overordna føringar.
Ansvars- og arbeidsoppgåver
- Overordna ansvar for drift og vedlikehald av kommunale bygg
- Utleige av kommunale bygg
- Ansvar for brannrutiner og branntryggleig i kommunale bygg
- Sal og kjøp av kommunal eigedom
- Ansvar for enkelte investeringsprosjekt
- Vurdering av tinglege rettar
- Handtering av ansvar og skadesakar
- Ansvar for ulike avtalar innan fagområde
- Noko sakshandsaming for politiske organ
- Andre relevante oppgåver kan bli tillagt stillinga.
Kvalifikasjonskrav
Formelle kvalifikasjonskrav
- Relevant høgare utdanning fortrinnsvis ingeniørutdanning eller teknisk fag. Lang og relevant erfaring kan erstatta utdanningskravet.
- Leiarerfaring er ønskeleg
- Erfaring med økonomistyring
- Erfaring med prosjekt- og prosessleiing, og utviklingsarbeid er ønskeleg
- Kunnskap om offentleg forvaltning og politiske prosesser er ein fordel
- God skriftleg og munnleg framstillingsevne
- Førarkort klasse B
Dersom det ikkje melder seg kvalifiserte søkjarar for leiarstillinga, kan det vere aktuelt å tilsette i stilling som rådgjevar då med ansvar for eigedomsporteføljen til kommunen.
Personlege eigenskapar
- Vere ansvarleg, strukturert og initiativrik
- Vere målretta og sjølvstendig med god evne til å skape engasjement
- Ha god rolleforståing
- Evne til å tenke heilskapleg og prioritere innsats
- Evne til å handtere stress og komplekse oppgåver
- Ha eit strategisk blikk for utvikling
- God evne til å bygge relasjonar internt og på tvers av einingar
Søkjar må vere personleg eigna, og ved tilsetting vil vi legga stor vekt på dei personlege eigenskapane vi krev for stillinga.
Vi tilbyr
- Moglegheit for fagleg utvikling i eit godt og positivt fagmiljø
- Spanande utfordringar
- Løn etter kvalifikasjonar
- Gode pensjons- og forsikringsordningar
Slik søkjer du
Send søknad og CV ved å klikke på knappen merka "Søk stilling" på denne sida.
Det er søkjar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar.
Søknader kan ikkje sendast på e-post til enkeltpersonar i kommunen.
Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.
Om arbeidsgiveren
Austevoll er ei øygruppe og ein kommune Sør-Vest i Vestland fylke. Austevoll er landets største fiskerikommune med svært høg næringsaktivitet og byr på eit mangfald av spennande jobbar.
Kommunen sitt administrasjonskontor held til i nye lokalar i kommunehuset på Storebø som ligg 5 minuttars køyring frå ferje- og snøggbåtkai.
Alle samband mellom Austevoll og fastlandet gratis for alle reisande!
Kommunen har eit folketal på 5.300 innbyggjarar og dagleg pendlar om lag 700 til Austevoll frå nabokommunar.
Vi er om lag 400 fast tilsette som er opptatt av å gje innbyggjarane våre gode kommunale tenester. Vi kan tilby meiningsfylte og utfordrande oppgåver og gode, offentlege pensjons- og forsikringsordningar.
Administrasjonsmålet i kommunen er nynorsk. Vi ønskjer deg velkommen som søkjar til stilling i Austevoll kommune!
- Sektor
- Offentlig
- Lederkategori
- Leder
- Sted
- Birkelandsvegen 2, 5392 Storebø
- Bransje
- Barn, skole og undervisning,
- Helse og omsorg,
- Offentlig administrasjon
- Stillingsfunksjon
- Kontor og administrasjon,
- Ledelse,
- Prosjektledelse
Spørsmål om stillingen
- Kontaktperson
- Ingrid Henriques Danielsen
- Stillingstittel
- Kommunalsjef samfunnsutvikling
- Telefon
- 90 71 28 08
Birkelandsvegen 2, 5392 Storebø