Direktør til Det Norske Teatret

Det Norske Teatret skal vere eit kunstnarleg kraftsenter i Noreg ved å utvikle stor scenekunst, engasjere publikum og vareta språkoppdraget med å lage djervt og ope teater på nynorsk og dialektar. Den noverande direktøren vår har fått ny jobb, og vi skal finne den rette personen til å ta over etter han.

Direktøren skal vere med og utvikle og drifte teateret i tett samarbeid med teatersjefen, og er organisatorisk underordna teatersjefen, men rapporterer til styret på sine ansvarsområde. Direktøren har ansvar for administrasjon og økonomi, teknikk, produksjon, marknad, kommunikasjon og personalansvaret for dei tilsette på desse områda. Vidare har direktøren ansvaret for drifta av eigedomen.  

Vi ser etter ein person som kan vise til brei leiarerfaring, gjerne frå kulturverksemd av ein viss storleik når det gjeld budsjett og tilsette. Direktøren må ha god forståing for eigenarten og samfunnsrolla til teateret, og stillinga krev òg god samfunnsforståing og politisk innsikt. Du må kunne vise til solid erfaring frå økonomistyring og personalleiing, forhandlingar og samarbeid med tillitsvalde. Det er òg viktig at den nye direktøren vår har dokumentert erfaring frå organisasjonsutvikling. Personlege eigenskapar vil bli vektlagde.

Det Norske Teatret er ein viktig nynorskinstitusjon. Det betyr at direktøren må meistre nynorsk som arbeidsspråk. Løn etter avtale. Spørsmål om stillinga kan rettast til styreleiar Hilde Barstad, tlf. 975 92 246, eller rekrutteringsrådgivar i Møllerstad rekruttering as, Gro Møllerstad, tlf. 915 59 752. Kandidatar kan vere konfidensielle, også for oppdragsgivar, fram til anna er avtalt.

Gå inn på www.mollerstad.no for å leggje inn søknad innan 10.04.2024.