Avdelingsleiar

Vil du vere med å byggja opp ein splitter ny skule?

Kleppelunden skule er under bygging og skal stå klar august 2024. Skulen ligg sentralt i Klepp kommune rett ved det flotte tur- og aktivitetsområdet Kleppeloen.
Kleppelunden skule er ein 1.-7. skule som skal ha kapasitet for 350 elevar. Rektor legg vekt på meistringsorientert, heilskapleg og framtidsretta leing med fokus på læring og inkludering. I Kleppskulen er kjernekomponentane den engasjerte eleven, profesjonelle læringsfellesskap og læreplanforståing.

På Kleppelunden skule skal me arbeida saman for at elevane skal få ein engasjerande, aktiv og lærerik kvardag. For å få til dette skal me mellom anna arbeid strukturert med Oracy, som handlar om å auka elevane sin kompetanse i å tenka, reflektera, kommunisera og forstå seg sjølv og andre, gjennom arbeid med språk.

Godt utstyrte rom vil danna grunnlaget for å kunna arbeida kreativt med digitalisering og estetiske fag. Me vil starta opp med å bruka planleggingsverktøyet DigUp, for å få ein felles plattform for dei pedagogiske planane. Strukturane i Cooperative Learning (samarbeidslæring) vil og danna grunnlaget for korleis me arbeider i profesjonsfelleskapet.

Det er ledig 2 av 3 stillingar som avdelingsleiar, som er delte mellom leiing og undervisning. 50 % av stillinga er knytt til leiing.

Ein vil ha ulike arbeidsområde etter interesser og kompetanse. Me ser spesielt etter kompetanse i IKT, skaparverkstad , tidleg innsats, spesialpedagogikk og fleirspråkleg pedagogikk. Du må vere ein god relasjonsbyggar både internt i personalet og ut mot elevar, føresette og samarbeidspartnerar. Du må kunna skapa struktur, vere ansvarsbevisst og trivast i ein hektisk kvardag. Alle 3 avdelingsleiarane vil saman med rektor vere skulen si leiargruppe, og vil leiga skulen sitt pedagogiske utviklingsarbeid.

Arbeidsoppgåver

Som avdelingsleiar:

• følgjer du opp personal og elevar
• bidreg du i elevsaker saman med eleven sjølv, lærarane og føresette
• tek du ansvar for skulen si IKT-satsing. Det inneber support, drift', digitale læringsverktøy og sastsing på digitale ferdigheter hos elevar og tilsette
• rettleiar og støttar du lærarane i bruk av digitale læremidler og i arbeidet deira elles
• tilrettelegg du for pedagogisk utviklingsarbeid og deltek i det profesjonsfaglege læringsfellesskapet
• tek du aktivt del i skulen si leiargruppe
• ivaretek du eit godt samarbeid med føresette
• bidreg du til eit trygt, godt og inkluderande skulemiljø
• har du ansvar for bemanning, fråvershåndtering, ressurs og timeplanlegging
• samarbeidar du godt og systematisk med ulike instansar i kommunen

Andre arbeidsoppgåver kan bli tillagt stillinga etter nærare avtale med rektor, utfrå skulen sitt samla behov og kompetanse hos den som blir tilsett.

Kvalifikasjonar

• Du har formell undervisningskompetanse for, og erfaring frå grunnskulen. Det vil vere behov for kompetanse i fleire fag.
• Du har god forståing og kjennskap til læreplanverket og har tankar om korleis du som leiar kan bidra til pedagogisk utvikling
• Du har kompetanse i , interesse for og erfaring med bruk av ulike digitale læringsverktøy
• skuleleiarutdanning og/eller leiarerfaring er ønskeleg, og vert lagt vekt på

Personlege eigenskapar

• Du motiveres av å gjere ein forskjell for elevane
• Du er kreativ i møte med elevar og tilsette
• Du er ein lagspelar som engasjerer, motiverer og inspirerer dine medarbeidarar
• Du er ein dyktig klasseleiar, som har lyst til og evner å leie eit lag og rettleie personalet
• Du er god til å byggje relasjonar
• Du er ein tydeleg og raus leiar
• Du nyttar forskning i eigen praksis
• Du evnar å arbeida sjølvstendig
• Du er fleksibel
• Du har godt humør og høg arbeidskapasitet
• Du er robust og tåler å stå i utfordrande situasjonar
• Personlege eigensskaper for stillinga vil bli lagt stor vekt på

Vi tilbyr

• Ein spanande, krevande og viktig jobb i eit energisk og positivt arbeidsmiljø
• Gode moglegheiter for fagleg og personleg utvikling
• Lønn etter avtale
• Tett samspel med andre skuleleiarar i kommunen og i Jærskulen
• Gode forsikrings-og pensjonsordningar
• Tilsetjing skjer på dei vilkår og med dei plikter som går fram av utlysing, gjeldande lovar, reglement og tariffavtalar
• Oppstart 01.08.2024

I tråd med opplæringslova er tilfredstillande politiattest ein føresetnad for tilsetting. Den må leggjast fram snarast etter eventuelt tilbod om tilsetting og før tiltreding i stillinga.