Rektor

Rektor

Kva søkjer vi?

Austevoll kommune søkjer ein kompetent og engasjert rektor for Selbjørn skule.

Om arbeidsstaden

Selbjørn skule er ein barneskule med rundt 170 elevar og 35 tilsette. Fleirtalet av dei tilsette er pedagogar og spesialpedagogar, supplert med miljøarbeidarar og barne- og ungdomsarbeidarar.

Skulen har mottoet "Meistring og trivsel" og deltek i Trivselsleder-programmet. Frå hausten 2023 innfører skulen avdelingsleiar-modellen, der avdelingsleiarane og rektor utgjer leiargruppa til skulen.

Skulen ligg i Bekkjarvik og har gode fasilitetar, inkludert undervisningsrom, idrettshall, kultursal og ei flott musikkavdeling. Her er det også fantastiske utandørsområde, med kunstgrasbane, tennisbane, sandvolleyballbane, leikepark, sandstrand og turstiar.

Om stillinga

Som rektor vil du ha ansvaret for den totale drifta av skulen, med økonomistyring og rapportere til Kommunalsjef for oppvekst, kultur og fritid.

Du vil samarbeide med foreldre gjennom formelle organ som FAU, i tillegg til andre samarbeidsutval.

Som leiar i Austevoll kommune følgjer rektor lover og avtaleverk, praktiserer god forvaltningsskikk og har eit heilskapleg leiaransvar.

Vidare vil du ha ansvar for:

• Styring av leiargruppa ved skulen
• Pedagogisk utviklingsarbeid
• Overordna personalansvar
• Vidareutvikling av læringsmiljøet til skulen
• Samarbeid med andre administrative nivå i kommunen
• Tverrfagleg samarbeid

Kvalifikasjonskrav

• Godkjent lærarutdanning og solid praksis frå skulen
• Relevant leiarerfaring, gjerne med vidareutdanning innan skuleleiing. For søkjarar med godkjend lærarutdanning og erfaring som skuleleiar, kan kravet om leiarutdanning fråfalla
• God IKT-kompetanse
• I tråd med opplæringslova stiller me krav om politiattest for den som blir tilbydt stillinga

Personlege eigenskapar

Vi ser etter deg som er ein inkluderande leiar med ein raus leiarstil, som verdset kvar enkelt elev og tilsett som ein ressurs.

Du er oppteken av undervisninga til lærarane og utviklinga og læringa til elevane. I tillegg er du ein pådrivar for pedagogisk utviklingsarbeid og kompetanseutvikling.

Du er ein trygg og synleg leiar i skulekvardagen, der du viser gode relasjonelle ferdigheiter med evne til å inkludera tilsette, elevar og føresette i opne utviklings- og avgjerdsprosessar.

Vi ser for oss at du du har fått tilbakemeldingar på at du er lyttande, tydeleg, resultatorientert og har god gjennomføringsevne.

Vi tilbyr

• Moglegheiter for fagleg utvikling i eit inspirerande og mangfaldig fagmiljø
• Støtte i leiarrolla
• Ei utfordrande stilling med gode moglegheiter for fagleg utvikling
• Ei viktig stilling i kommunen
• Gode pensjons- og forsikringsordningar

Slik søkjer du

Send søknad og CV ved å klikka på ‘Søk stilling' knappen på denne sida. Du må sørgja for at alle relevante vedlegg, inkludert attestar og vitnemål, er lasta opp innan fristen.

Vil du høyra meir om stillinga, kan du kontakta Anette Hansen og Torill Eidsheim i Jefferson Wells. Sjå også Austevoll kommune sine nettsider for ytterlegare informasjon. 

Alle førespurnader vil bli handsama konfidensielt. Me gjer merksam på at søkjarar kan førast opp på offentleg søkjarliste sjølv om søkjaren har bedt om anonymitet, men dette vil du i tilfelle få varsel om i forkant.

Anette Hansen

Tlf: 900 80 079

Epost:  Anette.Hansen@Jeffersonwells.no  

Torill Eidsheim

Tlf: 993 25 710

Epost: Torill.eidsheim@jeffersonwells.no

Austevoll er ei øygruppe og ein kommune Sør-Vest i Vestland fylke. Austevoll er landets største fiskerikommune med svært høg næringsaktivitet og byr på eit mangfald av spennande jobbar.

Kommunen sitt administrasjonskontor held til i nye lokalar i kommunehuset på Storebø som ligg 5 minuttars køyring frå ferje- og snøggbåtkai.

Frå august 2023 vert alle sambanda mellom Austevoll og fastlandet gratis for alle reisande!  

Kommunen har eit folketal på 5.300 innbyggjarar og dagleg pendlar om lag 700 til Austevoll frå nabokommunar.

Vi er om lag 400 fast tilsette som er opptatt av å gje innbyggjarane våre gode kommunale tenester. Vi kan tilby meiningsfylte og utfordrande oppgåver og gode, offentlege pensjons- og forsikringsordningar.

Administrasjonsmålet i kommunen er nynorsk. Vi ønskjer deg velkommen som søkjar til stilling i Austevoll kommune!