Apotekar til Vestlandets største farmasibedrift

Sjukehusapoteka Vest HF (SAV) er eitt av fem sjølvstendige helseføretak eigd av Helse Vest RHF. Sjukehusapoteka Vest er del av spesialisthelsetenesta og skal sørgje for at sjukehus og pasientar i Vestland og Rogaland vert sikra legemiddel og høg farmasøytisk kompetanse og tenester. Vår ambisjon er å vera fagleg i front, nasjonalt og internasjonalt, i sikker og framtidsretta legemiddelforsyning. I pasientbehandlinga leverer vi høgspesialiserte tenester på fleire fagfelt. Sjukehusapoteket i Bergen (SiB) er eit av dei største apoteka i landet, med om lag 135 tilsette innan forretningsområda publikumsapotek, produksjon, sjukehusekspedisjon og farmasøytiske tenester.

Kanskje den mest omtalte og spennande farmasøytjobben i Noreg:
Vi søkjer apotekar til å leie Vestlandets største farmasibedrift

Vi ser etter deg som er ein drivande, engasjert og samarbeidsorientert apotekar til vårt største sjukehusapotek. Som apotekar for Sjukehusapoteket i Bergen blir du øvste leiar for eit stort og sterkt fagmiljø, med dyktige og dedikerte medarbeidarar.

Her får du ei unik moglegheit til både å bidra til vidare ro og stabilitet og leie og drive utvikling i apoteket - og du får ei nøkkelrolle i arbeidet framover med å sikre gode helse- og apotektenester til beste for pasientane i Helse Bergen.

Det er viktig for oss at du evnar og er motivert for å leie gjennom andre, sikrar godt samspel mellom eige apotek og resten av organisasjonen, og er ein aktiv bidragsytar og samarbeidspart i SAV si toppleiargruppe, som du blir del av. Din leiar blir administrerande direktør i SAV.

Arbeidsoppgåver

• øvste leiar for apoteket med personal-, økonomi- og fagleg ansvar for apoteket si drift og utvikling innanfor rammene til Sjukehusapoteka Vest
• følgje opp og vidareutvikle samarbeidet med Helse Bergen
• ansvar for å utvikle og sikre tenestetilbod på dei fire verksemdsområda: publikum, produksjon, sjukehusekspedisjon og farmasøytiske tenester

Kvalifikasjonar

• cand.pharm. eller master i farmasi og tilfredsstiller krav til å få driftskonsesjon i apotek
• minimum fem år som apotekar eller anna relevant leiande stilling
• har leia andre leiarar/leiargrupper
• fordel med erfaring frå og kunnskap om spesialisthelsetenesta
• fordel med erfaring frå komplekse organisasjonar

Personlege eigenskapar

• Du er opptatt av fagleg utvikling og interessert i og nysgjerrig på fleire delar av farmasifaget: produksjon, logistikk/sjukehusekspedisjon, farmasøytiske tjenester og publikumsapotek.
• Du er motivert for å løyse oppgåver og utfordringar saman med dei rundt deg.
• Du klarer å vere pragmatisk og handtere komplekse og pressa situasjonar.
• Du forstår kva som ligg i leiarrolla og er lojal mot gjeldande fullmakter.
• Du ser fellesskapen som ein føresetnad for utvikling lokalt.
• Du likar leiing og er genuint opptatt av å utvikle eiga leiargruppe og eigne leiarar.

Vi tilbyr

• ei leiande rolle i eit dynamisk, stort og inspirerande fagmiljø, med eit viktig samfunnsoppdrag i botn
• gode moglegheiter for å utvikle deg fagleg og som leiar
• støttande og samarbeidsvillige leiarkollegaer
• løn etter avtale

Ver venleg å laste opp attestar, vitnemål og eventuell anna relevant dokumentasjon i søknaden.

Mangfoldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Sjukehusapoteka Vest (SAV) er eit helseføretak i Helse Vest med om lag 300 tilsette som leverer legemiddel, apotekvarer og farmasifaglege tenester til spesialisthelsetenesta på Vestlandet. Omsetning er på vel 1,5 milliardar kroner. Føretaket har administrasjon i Bergen, og driv fem sjukehusapotek i Førde, Bergen, Haugesund og Stavanger. Sjukehusapoteka Vest satsar på nye teknologiske løysingar og på tenester som bidreg til auka pasienttryggleik, betra kvalitet og meir effektive tenester i sjukehusa.

Sjukehusapoteka Vest HF skal så langt råd er avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

Sjå nettsida vår for meir informasjon www.sjukehusapoteka-vest.no