Vil du jobbe strategisk med samfunnstryggleik i samferdselssektoren? Vi søkjer

Nestleiar/underdirektør

Kven er vi?

Eining for samfunnstryggleik har ansvar for koordinering av departementet sitt arbeid med samfunnstryggleik i transportsektoren, inkludert totalforsvar, beredskap og krisehandtering. Dette inneber utstrekt kontakt og samarbeid både internt og eksternt. Eininga har òg oppgåver innan forebyggande trygging internt i departementet.

Prioriterte område i departementet sitt arbeid med samfunnstryggleik inkluderer blant anna trygging av kritisk infrastruktur og kritiske samfunnsfunksjonar, digital tryggleik, støtte til Forsvaret og klimatilpassing.

Eining for samfunnstryggleik er organisatorisk plassert i Avdeling for styring, administrasjon og samfunnstryggleik og består av fem medarbeidarar inkludert leiar.

Arbeidsoppgåver

Som underdirektør/nestleiar vil du få ansvar for å

• leie og koordinere saker på tvers av avdelingar i departementet, mot underliggande verksemder og andre departement
• følge opp regjeringsnotat, stortingsmeldingar, budsjettproposisjonar, mv. på eige ansvarsområde
• utføre stabsoppgåver i kriser, her under koordinering og fagleg bistand til fagavdelingar og kriseleiinga i departementet, rapportering, mv.
• støtte og rettleie andre medarbeidarar i eininga og i andre avdelingar
• fungere som leiar om ikkje avdelingsdirektør er til stades

Kvalifikasjonar

Til denne stillinga må du ha:

• Mastergrad i samfunnsvitskap/statsvitskap
• Lang erfaring frå arbeid med samfunnstryggleik, totalforsvar og beredskap på strategisk nivå
• Erfaring frå departement
• Erfaring med å leie/koordinere større prosessar og/eller prosjekt

God kjennskap til transportsektoren er ein føremon.

Du må kunne klarerast for HEMMELIG og NATO Secret.

I tillegg til formelle kvalifikasjonskrav, legg vi vekt på at du tar ansvar for og eigarskap til eininga sine oppgåver, tar initiativ til laupande forbetringar og at du har evne til å prioritere og kunne handtera mange saker samtidig. Du må ha høy arbeidskapasitet, samarbeide godt med andre og kunne leie og koordinere arbeidsprosessar på ein god måte.

Gode kommunikasjonsferdigheiter på bokmål, nynorsk og engelsk er ein føresetnad.

Vi kan tilby

• Arbeid med dagsaktuelle sakjer
• Utfordrande og interessante oppgåver
• Hyggeleg arbeidsmiljø med dyktige og engasjerte kollegaer
• Moglegheit for trening i arbeidstida
• Medlemsskap i Statens pensjonskasse

Stillinga er lønna som som underdirektør i lønnsspennet frå kr. 800.000 - 980.000.

Generell informasjon

Du kan få nærare informasjon om stillinga ved å kontakte avdelingsdirektør Espen Aamodt på tlf. 22 24 81 88 eller 402 82 015.

Samferdselsdepartementet meiner at inkludering og mangfald er ein styrke. Vi ynskjer oss medarbeidarar med ulik kompetanse, fagkombinasjonar, livsrøynsle og perspektiv, og oppmodar alle kandidatar med nødvendige kvalifikasjonar til å søkje. Vi vil tilretteleggje for medarbeidare som har behov for det.

Vi oppmodar søkjarar til å krysse av om dei har funksjonsnedsetjing, hol i CV-en eller innvandrarbakgrunn. Avkryssingane dannar grunnlag for anonymisert statistikk som alle statlege verksemder rapporterer i sine årsrapportar.

I samsvar med offentleglova §25 kan det gjerast unntak for opplysningar om søkjar frå offentleg søkjarliste, dersom søkjaren sjølv oppmodar om det. Den som ønskjer å reservere seg mot å stå på offentleg søkjarliste, må grunngje dette. Ved eventuelt avslag, vil søkjer bli kontakta før offentleggjering og få tilbod om å trekkje søknaden.

Samferdselsdepartementet er regjeringa sitt utøvande organ for politikkutforming, forvalting, etatsstyring og eigarstyring innanfor transportsektoren. Samferdselsdepartementet skal bidra til effektive, tilgjengelege, sikre og miljøvennlege løysingar som dekkjer samfunnet sitt behov for transport og fremjer regional utvikling.