Møre-Nytt søkjer ansvarleg redaktør / dagleg leiar
- Arbeidsgiver
- Møre-Nytt AS
- Stillingstittel
- Ansvarleg redaktør / dagleg leiar
- Frist
- Snarest
- Ansettelsesform
- Fast
Ansvar og arbeidsoppgåver
Du vil få eit samla leiaransvar for redaksjonell drift og utvikling, i tillegg til overordna ansvar for kommersiell drift og administrasjon i avisa. Regional salsleiing og administrative støttefunksjonar er samla i fellesfunksjonar hos Sunnmørsposten. Møre-Nytt består av åtte tilsette, fordelt på redaksjon og sal.
Dine andre sentrale ansvarsområder og arbeidsoppgåver blir å
- utvikle det redaksjonelle arbeidet, med spesielt fokus på den digitale utviklinga
- ta ansvar for å forvalte den publisistiske plattforma til avisa og vere ein garantist for at avisa ivaretek si uavhengigheit, saklegheit, sin relevans og sitt samfunnsansvar
- ta eit overordna og heilskapleg leiar- og resultatansvar for avisa
- produsera redaksjonelt innhald, jakta på dei store avsløringane, men også på dei små kjappe nyheitene
- byggja og ta hand om kjeldenettverk og relasjonar
- ta ansvar for økonomien i avisa
- ta ansvar for personal- og medarbeidarutvikling
- samarbeide med kollegaer i Polaris Media-konsernet
Møre-Nytt har kontor i moderne lokaler i Ørsta sentrum. Du vil rapportere til styret i Møre-Nytt.
Kvalifikasjonar og personlege eigenskapar
Vi ønskjer å komme i kontakt med deg som har høgare relevant utdanning fortrinnsvis innan journalistikk. Du er ein røynd skrivande journalist. Det er ønskjeleg at du har redaksjonell leiarerfaring, men det er avgjerande at du har ambisjonar som leiar. Du har stor interesse for digitaliseringa som skjer i samfunnet og media spesielt. Du er utviklingsorientert og opptatt av innsikt og analyse i utviklingsarbeidet. Som leiar har du ein involverande og inkluderande leiarstil.
Vidare ser vi for oss at du
- har ei god vurderingsevne i presseetiske og publisistiske spørsmål
- er opptatt av resultat og kvalitet
- har god forretningssans
- har ei trygg forankring i bruk av nynorsk
Om du har noko av det vi er på jakt etter, og har ambisjonar og ønskje om å utvikla deg vidare, oppmodar vi deg til å vise interesse for stillinga.
Kvifor Møre-Nytt?
- Interessante, utfordrande og utviklande leiaroppgåver i ei solid lokalavis i god vekst og utvikling.
- Eit av Skandinavias leiande mediekonsern i ryggen. Gjennom Polaris Media har Møre-Nytt tilgang til digitale løysingar, analyseverktøy, kompetanse og ressursar som vil leggje til rette for vekst og utvikling.
- Volda og Ørsta er omkransa av ein magisk natur. Her kan du bu landleg og likevel sentralt med tanke på arbeid, utdanning, kultur og fritid, og ikkje minst flyplass, lokalsjukehus og andre gode velferdstilbod. Sett under eitt er Volda og Ørsta med sine 21 600 innbyggjarar den fjerde største tettstaden i fylket. Her kan du finne roa og samstundes bu nær viktige sentrumsfunksjonar. Sunnmøre er eit eldorado av fjordar, fjell, historie, kulturliv og aktivitetar både for vaksne og born. I Sunnmørsalpane kan du velje og vrake i gromme og spektakulære toppturar. Ørsta og Volda er eit fjellstøtt val!
Søknadsfrist: Snarest – søknader blir fortløpande vurderte.
Ønskjer du meir informasjon om stillinga?
Ta kontakt med vår rekrutteringspartnar HAMNØY AS ved rådgjevarane
- Jan Tore Hamnøy, tlf. 411 02 200
- Tonje Lavik Hansen, tlf. 902 46 867
- Ida Eide, tlf. 993 68 003
Du kan også kontakte styreleiar Frank Støyva Emblem på tlf. 988 55 952. Tillitsvald for redaksjonsklubben er Roy Arne Folkestad, tlf. 456 92 837.
Vis di interesse for stillinga ved å registrere CV-en og søknaden din snarast. Attestar og vitnemål legg du ved søknaden. Alle førespurnader blir behandla konfidensielt – også overfor oss i Møre-Nytt i innleiande fase dersom det er ønskjeleg.
Om arbeidsgiveren
Møre-Nytt er lokalavis for kommunane Volda og Ørsta i Møre og Romsdal. Mediehuset har eit opplag på 5.060 og har ei dagleg dekning på 9 226 lesarar på papir, nett og mobil (Q1-2023, Kantar og MBL). I 2022 var driftsinntektene på 16,4 millionar kroner. Mediehuset har solid økonomi og har dei siste åra styrka sin posisjon i eit område med sterk aviskonkurranse. Avisa er eigd av Sunnmørsposten AS og er ein del av Polaris Media-konsernet. Møre-Nytt vart starta av familien Bergmann i 1935. For meir informasjon, sjå morenytt.no.
- Sektor
- Privat
- Lederkategori
- Leder
- Sted
- Ivar Aasen-gata 10, 6150 Ørsta
- Bransje
- Medie- og innholdsproduksjon,
- Markedsføring og annonsering,
- PR, informasjon og kommunikasjon
- Stillingsfunksjon
- Ledelse,
- Journalist,
- Markedsfører
Nøkkelord
redaktør, avis, medier, journalistikk, digital
Spørsmål om stillingen
- Kontaktperson
- Jan Tore Hamnøy
- Stillingstittel
- Rådgiver
- Telefon
- 41 10 22 00
- Kontaktperson
- Tonje Lavik Hansen
- Stillingstittel
- Research & analyse
- Telefon
- 90 24 68 67