Avdelingsleiar for framandspråk og tilrettelagt avdeling - 1 års vikariat med moglegheit for fast tilsetjing

Fyllingsdalen videregående skole er ein vidaregåande skole med utdanningsprogramma studiespesialisering – toppidrett - musikk, dans og drama (studieførebuande) - helse- og oppvekstfag (yrkesfag og studieførebuande) - påbygg til generell studiekompetanse. I tillegg har skolen nettundervisning
for fysisk syke og ei tilrettelagt avdeling for 20 elevar med særskilte behov. Skolen har om lag 580 elevar og 100 tilsette.

Fyllingsdalen videregående skole har eit personale med høg kompetanse på sine ulike yrkesfelt, stor grad av fagleg samarbeid og meget høg trivsel både blant tilsette og elevar. Skolen ligg i flotte nyoppussa lokale like ved bybanen og Oasen kjøpesenter og har som mål å vera den føretrekte skolen for elevar i Fyllingsdalen og Bergen vest.

Arbeidsoppgåver

I tillegg til rektor og administrasjonen har skolen fire avdelingsleiarar; der ein også fungerer som assisterande rektor. Vi jobbar no med leiarkabalen for den vidare utviklinga av skolen. I det høvet har vi ledig eit vikariat som avdelingsleiar for framandspråk og tilrettelagd avdeling for skoleåret 2023-24.

Framandspråk består av 8 pedagogar som underviser i engelsk, tysk, fransk og spansk på alle studieretningane til skolen. Tilrettelagt avdeling har 20 elevar med særskilde behov og avdelinga er bemanna med 6 pedagogar og 8 miljøarbeidarar.

Som avdelingsleiar vil du ha leiaroppgåver innanfor personalleiing, pedagogisk utvikling, økonomi og administrasjon. Du vil ha personalansvar for dei tilsetja i avdelingane - med vikarhandtering. Vidare vil du ha leiaransvar for oppfølginga av den økonomiske drifta av avdelingane. Du vil jobba med pedagogisk og fagleg utvikling og dessutan ha tett samarbeid med andre avdelingsleiarar.

Det kan vera aktuelt med undervisning til stillinga og det kan derfor vere ein fordel om du har undervisningskompetanse i eit eller fleire av faga i skolen sine utdanningsprogram.

Tiltreding
Så snart som mogleg.

Kvalifikasjonar

• Du har relevant høgare utdanning
• Du har solid leiarerfaring samt gode leiareigenskapar
• God økonomisk forståing
• Gode IKT-ferdigheiter og gjerne erfaring frå skoleadministrative system
• Kjennskap til tilrettelagt avdeling og elevar med særskilte behov vil være ein fordel – gjerne spesialpedagogisk utdanning.
• Rektorstudiet eller masterstudie i utdanningsleiing vil være ein fordel.

Personlege eigenskapar

• Å vere egna for arbeid som leiar i skolen vil bli tillagt stor vekt
• Du er strukturert, nøyaktig og sjølvstendig.
• Du er fleksibel og har omstillingsevne.
• Du har gode samarbeidsevner.
• Du har høg motivasjon og handlekraft.
• Du trivst i eit hektisk arbeidsfellesskap.
• Du er resultatorientert

Vi tilbyr

• Løn etter avtale og lønsutvikling i tråd med Vestland fylkeskommune sin lønspolitikk
• Gode forsikrings- og pensjonsordningar
• Inkluderande og godt arbeidsmiljø
• Gode moglegheiter til eigen læring og utvikling
• Å bli ein del av skolens sin leiargruppe som samarbeider tett, har ein open kommunikasjon og rom for både alvor og godt humør
• Fridom under ansvar

Andre opplysningar
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Søkjaren vil alltid bli varsla på førehand dersom søkjarlista vert offentleggjort. Administrasjonsmålet i fylkeskommunen er nynorsk.
Alle tilsetjingar i Vestland fylkeskommune blir gjort med ei prøvetid på 6 månader. Den som tilsetjast i videregåande skole må legge fram politiattest av nyare dato.

Les mer om skolen her:
https://www.fyllingsdalen.vgs.no/