Assisterande tenesteleiar på Byglandsfjord oppvekstsenter
Bygland Kommune
- Frist 25.6.2023
- Ansettelsesform Fast
Assisterande tenesteleiar på Byglandsfjord oppvekstsenter
Ønsker du å kombinere lærarjobben din med administrasjon og leiing? Byglandsfjord oppvekstsenter søkjer assisterande tenesteleiar til skulen. Her kan du få leiarerfaring i eit spennande, men oversynleg og trygt miljø. Du får vere med på å utvikle oppvekstsektoren for å møte framtida.
Stillinga inneber inntil 50 % undervisning, og kan kombinerast med leiling, administrasjon og andre oppvekstfaglege oppgåver. Assisterande tenesteleiar skal vere dagleg til stades for tilsette og elevar i skulen si kjernetid. Assisterande tenesteleiar på skulen verker i tenesteleiar sin stad, og tar ansvar og avgjersler i skulekvardagen.
Du er ein del av Bygland oppvekst sitt leiarteam, som samarbeider om utvikling og drift av skule, SFO og barnehage på begge oppvekstsentra.
Vi tilbyr
- Ei utfordrande og spennande stilling der ein får tillit og får bruke mange sider av seg sjølv.
- Å bli med i eit engasjert leiarteam under utvikling.
- Høve til å opparbeide leiarerfaring.
- Dyktige, lojale og trivelege kollegaer i eit godt arbeidsmiljø
- Pensjonsordning gjennom Statens pensjonskasse og god personal- og skadeforsikringsordning.
- Lønn som leiar.
For tilsetting i skulen er det krav om gyldig politiattest, ikkje eldre enn 3 månader. Denne må leggjast fram før tilsetting trer ikraft (jf. Opplæringsloven §10-9, og forskrift til opplæringslova kap15.).
Vi gjer merksam på at opplysingar om søkjarar kan bli offentleggjort sjølv om søkjar har bede om at søknaden får fritak frå offentlegheit. Søkjarar vil bli varsla dersom oppmodinga om reservasjon ikkje kan imøtekommast (jf. Offentleglova § 25).
Arbeidsoppgåver
- Dagleg drift av skulen.
- Leie og motivere medarbeidarar til samarbeid og målretta innsats til det beste for elevane
- Følgje opp elevane sine faglege resultat
- Følgje opp og bidra i det psykososiale arbeidet ved skulen
- Generelt elevretta arbeid
- Følgje opp og bidra i foreldresamarbeid
- Bidra til og følgje opp pedagogisk utviklingsarbeid
- Vere ein del av leiarteamet i oppvekstsektoren
- Fungerer i staden for tenesteleiar.
- Vikaransvar for skule
Kvalifikasjonar
- Pedagogisk utdanning frå høgskole eller universitet, 4 år eller meir.
- Erfaring frå skuledrift er ønskeleg.
- Utdannings innan skuleleiing er ein føremon, men ikkje eit krav
- Det blir lagt vekt på at søkjar er personleg eigna for stillinga.
- Gode digitale ferdigheiter.
Personlege eigenskapar
- Sjølvstendig og trygg
- Fleksibel og romsleg
- Ryddig og strukturert
- Samlande og samarbeidsviljug
- God munnleg og skriftleg framstillingsevne
- Gode kommunikative ferdigheiter
- Digital kompetanse og nysgjerrigheit
Om arbeidsgiveren
Bygland kommune ligg midt i Setesdal. Kommunen har omlag 1200 innbyggjarar og framifrå tilhøve for friluftsliv ved fjord og fjell. Her er gode oppvekstvilkår og eit godt tenestetilbod. Vi tilbyr våre tilsette spennande arbeidsplasser der kommunen sine verdiar – stolt, truverdig, framsynt, løysingsorientert og lojal - står i fokus. Bygland kommune har nynorsk som offisiell målform.
- Sektor: Offentlig
- Lederkategori: Leder
- Sted: Byglandsfjord, 4745 Bygland
- Bransje: Barn, skole og undervisning
- Stillingsfunksjon: Rektor / Ass. Rektor
- FINN-kode 305592181
- Sist endret