Utløpt

Vil du leie og utvikle portørtenesta for pasientar på Haukeland universitetssjukehus?

Arbeidsgiver: Helse Bergen
Stillingstittel: Seksjonsleiar for pasientportørtenesta
Frist: 18.06.2023
Ansettelsesform: Fast

Bli kjent med Haukeland universitetssjukehus

Hospitaldrift Transport er ei av einingane til Hospitaldrift, som igjen er ein del av Drift/Teknisk divisjon, som består av hovudparten av sjukehuset sine ikkje- medisinske avdelingar. Hospitaldrift Transport er delt i tre seksjonar; Pasientportørtenesta, Forsyningstenesta og Miljøhall og Varetransport. Vi har om lag 120 medarbeidarar og vi utfører portørtenester, forsyningstenester, avfallshandtering og andre interne transporttenester for helseføretaket. Vi er lærebedrift i portør- og logistikkfaget og nyleg i gjennvinningsfaget

Vi søker no ein ny seksjonsleiar for Pasientportørtenesta
Pasientrelaterte transporttenester og bildrift er ein intern serviceseksjon med døgnkontinuerleg drift. Hovudaktiviteten er pasientransport, både på sjukehuset og til andre einingar innan Helse Bergen. Vi er ein viktig bidragsytar for god pasientflyt og logistikk for heile sjukehuset. Sjukehussektoren står framfor store krav til endring og det blir kontinuerleg gjennomført prosjekt og program innan digitalisering, organisasjonsutvikling og utbygging som medfører driftsomleggingar for sjukehuset. Seksjonen har om lag 70 tilsette og utfører årleg om lag 320 000 pasientransportar. Seksjonen utfører òg andre transporttenester som henting og levering av prøver og blod, reine og skitne senger m.m. Portørfaget blei godkjend som eige fagbrev for nokore år sidan og vi satsar på utdanning av både lærlingar og fast tilsette.

Som seksjonsleiar vil du få gode moglegheiter for å utvikle seksjonen, dine medarbeidarar og deg sjølv og du kan bidra til å gjere kvardagen enklare for pasientar og andre tilsette ved sjukehuset. Du er sentral i arbeidet med forbetring av prosessar og logistikk saman med brukarklinikkane våre og dei samarbeidande seksjonane. Stillinga rapporterer til leiar for Hospitaldrift Transport og inngår i leiargruppa for eininga.

Arbeidsoppgåver

Leie, organisere og vidareutvikle arbeidet ved seksjonen
Personal- og budsjettansvar
Ansvar for bemanning og arbeidsplanar
Innføre nye system og arbeidsprosessar i seksjonen
Sikre opplæring og fagleg utvikling av medarbeidarane
Sikre god kommunikasjon med brukarane av tenestene
Bidra til eit godt arbeidsmiljø for alle dei tilsette ved seksjonen
Delta i eininga si leiargruppe og medverke til godt samarbeid på tvers i eininga

Kvalifikasjonar

Leiarerfaring, gjerne frå større organisasjonar
Høgskule-/universitetsutdanning innan helsefag, logistikk, økonomi, leiing eller anna relevant utdanning. Lang relevant erfaring og dokumenterte god resultat kan kompensere for manglande utdanning
Erfaring med bruk av aktivitet- og styringsdata for å definere bemanningsbehovet og planlegge turnus
Erfaring med tverrfagleg samarbeid
Erfaring frå, og interesse for endrings- og forbetringsprosessar
God skriftleg og munnleg framstillingsevne

Personlege eigenskapar

Du kommuniserer på ein tydeleg og motiverande måte som skapar tillit og gode relasjonar med andre
Du er handlekraftig og arbeider målretta og strukturert
Du er opptatt av forbetring av tenestene og arbeidskvardagen for dei tilsette
Du har eit godt lag med folk og får fram det beste i dei
Du evnar å sjå heilskapen og korleis dine ansvarsområde påverkar denne
Du er opptatt av samarbeid og har ein inkluderande stil
Du er god på prioritering og delegering og trivst med høg arbeidstempo

Vi tilbyr

Fagleg og personleg utvikling
Varierte og utfordrande arbeidsoppgåver i eit aktivt arbeidsmiljø
Deltaking i fagleg nettverk med portørleiarar ved andre sjukehus
Lønn etter avtale
Gode forsikrings og pensjonsordningar
Triveleg arbeidsmiljø

Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Om arbeidsgiveren

Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Lederkategori: Leder
Sted: Haukelandsveien 26B, 5009 Bergen
Bransje: Helse og omsorg,; Transport og logistikk
Stillingsfunksjon: Ledelse,; Logistikk og lager