Seksjonsleiar

Lab. medisinsk biokjemi og blodbank (LMBB) er ei fellesavdeling på tvers av sjukehusa i Helse Førde med seksjonar i Førde, Lærdal og på Nordfjordeid. LMBB er ei viktig og sentral avdeling i Helse Førde, og bidrar døgnet rundt med analyser av høg kvalitet slik at både sjukehusavdelingar og legekontor kan sikre riktig diagnose og god pasientbehandling.

Helse Førde er godt i gang med å bygge Nye Førde sjukehus, og laboratoriet har i samband med dette nyleg gjennomgått ei større ombygging. Med våre framtidsretta lokaler med moderne analyseinstrument, pågåande installasjon av automasjonsløysing og tette samarbeid med andre laboratorium i Helse Førde, går vi inn i ein spennande periode med mål om å auke kvaliteten på tenestene vi levere.

Personalet i avdelinga har høg kompetanse og består i hovudsak av bioingeniørar, men og av helsesekretærar, overlegar og sjukepleiar. Avdelinga har i dag eit godt kvalitetsstyringssystem og tilhøyrande kompetanse, og har eit mål om å søkje akkreditering for våre tenester innan 2025.

Stillinga som seksjonsleiar vil innehalde mykje personal-, rekruttering- og utviklingsarbeid i seksjonen.

Vi søkjer deg som kunne tenke seg å bli den nye seksjonsleiaren ved LMBB i Førde. Du er ein tydeleg, handlekraftig og positiv leiar, som er flink til å koordinere og følgje opp prosessar. Ei erfaren leiargruppe står klar til å hjelpe deg, men har og forventningar om at du er ein pådrivar i både faget og kvalitetsarbeid i avdelinga. Du kan ta til i stillinga 21.08.2023, eller etter avtale. Skulle du ha spørsmål om stillinga må du gjerne ta kontakt. Bli med oss i LMBB.

Førde sentralsjukehus ligg i Vestland fylke, Sunnfjord kommune. Her er typisk vestlandsnatur med flott turterreng i nærområde.
Les meir om Helse Førde og Sunnfjord kommune.

Arbeidsoppgåver

• Har det daglege driftsansvaret av seksjonen
• Skal styre og utvikle seksjonen innan fag-, kvalitet - og personalområdet
• Budsjettansvar og økonomioppfølging
• Samarbeide med dei andre seksjonsleiarane med planar og målsetningar i avdelinga
• Seksjonsleiar er stedfortredar for avdelingssjef
  

Kvalifikasjonar

• Bioingeniør eller anna relevant utdanning frå høgskule /universitetsnivå
• Fordel med erfaring frå medisinske laboratorium
• Erfaring/utdanning innan leiing blir vektlagt
• God IKT kunnskap
• Må meistre godt norsk både skriftleg og munnleg
  

Personlege eigenskapar

• Ansvarsfull, nøyaktig og strukturert
• Gode kommunikasjons- og samarbeidsevner
• Evne til å motivere medarbeidarar til utvikling og endring
• Nytenkjande, løysingsorientert og endringsvillig
• Interesse for kvalitets- og forbetringsarbeid

Vi tilbyr

• Lønn etter avtale
• Gode pensjons- og forsikringsordningar
• Spennande og ansvarfulle oppgåver
• Eit engasjert og godt arbeidsmiljø med kompetente og stolte medarbeidarar
• Høgt fagleg nivå
• Opplæring/leiarutvikling

Mangfaldserklæring
Helse Førde HF ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.