100% stilling som driftsleiar for vaktmeistertenesta

Skjåk kommune har ledig stilling som driftsleiar for vaktmeistertenesta frå månadsskifte august/september 2024.

Som leiar vil du ha ansvar for avdelinga som i dag består av 5 tilsette. Du vil ha eit overordna ansvar for drift og vedlikehald, og du vil styre og koordinere dei tilsette sine arbeidsoppgåver på tvers av bygg og tenesteområde. Stillinga inneber også aktiv deltaking i avdelinga sine daglege oppgåver.

Tenesta er ansvarleg for drift og vedlikehald av kommunen sine bygg og eigedomar. I tillegg bistår avdelinga helsetenestene med hjelpemiddel. Bygningsmassen omfattar administrasjonsbygg, skular, barnehagar, sjukeheim/omsorgsbustader, idrettshall, symjebasseng og leilegheiter, med eit samla areal på om lag 22.000 m^2.

Du vil bli ein del av leiarteamet i teneste områda teknisk drift og VA, der vaktmeistertenesta spelar ei viktig rolle.

Arbeidsoppgåver

• Leiing, organisering og utvikling av vaktmeistertenesta
• Ivareta helse, miljø og sikkerheit (HMS) innan eige ansvarsområde
• Drift og vedlikehald av kommunale bygg, anlegg og eigedomar
• Oppfølging av mindre prosjekt knytt til drift og vedlikehald
• Struktur og rutinar knytt til internkontroll
• Pådrivar for digitale løysingar
• Oppfølging av brannvern i kommunale bygg
• Deltaking i daglege vaktmeisteroppgåver
• Oppfølgingsansvar for fag og personal

Du må rekne med at ansvaret og arbeidsoppgåvene vil endre seg med utviklinga av stillinga og tenesteområdet. Som tilsett i teknisk drift kan du bli spurt om å delta i vaktordninga for teknisk vakt.

Kvalifikasjonar

• Relevant leiarerfaring
• Teknisk fagskule / relevant fagbrev innan til dømes byggdrift eller elektro
• Realkompetanse / allsidig erfaring kan erstatte utdanningskrav
• Gode digitale ferdigheiter og erfaring med dagleg bruk av IKT-baserte system
• Gode kommunikasjonsevner på norsk, skriftleg og munnleg
• Førarkort kl. B

 Personlege eigenskapar

• Gode evner til å leie, motivere og planlegge
• Du er god til å løyse problem, ser det store biletet og tar raskt til deg ny kunnskap
• Trivst med dagleg bruk av IKT-baserte system
• Er positiv og entusiastisk og god til å tilpasse deg endringar
• Kommuniserer godt med både kollegaer og brukarar. Skaper gode relasjonar både internt og eksternt
• Du er villig til å bidra ekstra når det krevst
• Alle våre tilsette må ha fokus på kvalitet og ha ei bevisst haldning til helse, miljø og sikkerheit

 Det vil bli lagt stor vekt på personlege eigenskapar.

 Vi tilbyr

• Tilsetting på kommunale vilkår med løn etter avtale
• Pensjonsordning i KLP

 Ynskjer du å bu og jobbe i ei fjellbygd med gode arbeidsplassar og fritidsmoglegheiter? Nå kan du prøvebu i Skjåk. Skjåk kommune har bustadar som ein kan leige/prøvebu i. Klikk på lenka for meir informasjon.

For nærare opplysningar om stillinga, ta kontakt med tenesteleiar teknisk drift, Bernt Dahl, mobil 45 31 33 01 / bernt.dahl@skjaak.kommune.no               

Er dette noko for deg? Send inn søknad ved å bruke elektronisk søknadsskjema.

 Søknadsfrist 4. april 2024

• Elektronisk søknadsskjema
• Søkjarlista vil bli offentleggjort

 Kommunedirektøren