Vil du vere med å vidareutvikle Borgund vgs?

Vi søker etter ein engasjert leiar som vil vidareutvikle skolen saman med elevar og medarbeidarar!

Du får jobbe med

• å skape eit godt lærings- og arbeidsmiljø for elevar og medarbeidarar
• utvikling av skolen som organisasjon
• utvikling av lærings-, samhandlings- og delingskulturen på skolen og i fylkeskommunen
• vidareutvikling av heile utdanningssektoren og fylkeskommunen sitt regionale utviklingsarbeid
• oppfølging av nasjonale og fylkeskommunale planar, strategiar og målsettingar

Du vil vere skolen sin øvste pedagogiske og administrative leiar og ha overordna ansvar for elevane si opplæring.

Vi søker deg som

• har høgare utdanning, leiarutdanning og pedagogisk kompetanse
• har leiarerfaring og god innsikt i vidaregåande opplæring og skoledrift
• har eit positivt og konstruktivt elev- og læringssyn
• er utviklingsorientert, tydeleg og samlande
• har evne til å motivere, stille krav og gi tilbakemelding
• har gode kommunikasjonsevner og evne til å skape gode relasjonar og arbeidsglede
• kan bidra til å bygge nettverk både eksternt og internt
• ønsker å utvikle skolen som organisasjon og som er engasjert i lokalt samfunns- og næringsliv

Vi tilbyr

• ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• god tilgang til faglege nettverk og fagleg utvikling
• offentleg pensjonsordning, gruppelivs- og ulykkesforsikring
• løn etter avtale

Om Borgund vidaregåande skole

Skolen er ein av dei største vidaregåande skolane i Møre og Romsdal og held til i Spjelkavik i Ålesund kommune og har om lag 1100 elevar og 235 tilsette.

Borgund vidaregåande skole har sju ulike yrkesretta utdanningsprogram, to avdelingar for tilrettelagt undervisning, to påbyggingsklasser og to klasser for grunnleggande norskopplæring. I tillegg har skolen ansvar for undervisninga ved Ålesund fengsel, skoletilbodet ved ungdomspsykiatrisk avdeling og eit eige kompetansesenter som gir tilbod til vaksne elevar og kurs til næringslivet.

Du kan lese meir om Borgund vidaregåande skole på nettsidene www.borgund.vgs.no

Andre opplysningar

Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig stilling hos oss.

Politiattest

Den som blir tilsett må levere politiattest jf. opplæringslova § 10-9.