Prosjektleder for The North West!

The North West står framfor ei spanande tid og søkjer no ein prosjektleiar i 100% stilling til å ta oss vidare. Stillinga har arbeidsstad på Framtidslaben på Campus Ålesund og er ein del av framtidig organisering av berekraftsarbeidet i regionen.

The North West er ein årleg møteplass i Ålesund, som over fleire dagar samlar eit breitt spekter av menneske, med mål om å bidra til berekraftig samfunnsutvikling og magiske augeblikk. I tillegg har selskapet arrangert og fasilitert ulike prosjekt, webinar, nettverk og arrangement. Sidan starten i 2018 har ei rekke viktige diskusjonar og magiske opplevingar hatt sitt utspring her, dette skal vi utvikle vidare!

Det er eit pågåande arbeid med felles organisering av The North West, Framtidslaben og andre initiativ i regionen. Stillinga vil inngå i eit kollegium på 4 stillingar som har arbeidsstad på Framtidslaben. Her vil stillinga ha prosjektansvar for gjennomføring av The North West, i tillegg til andre arrangement og møteplassar gjennom året. Ein har også særskilt ansvar for kommunikasjon, både på eigne plattformer, nettsider og i media. Kan dette vere noko for deg?

Vi ser etter deg som

• Er sjølvstendig, initiativrik og trivs med å ta ansvar for eigen kvardag.
• Har erfaring med prosjektleiing, er målretta og evner å halde i fleire trådar på same tid.
• Brenn for regional utvikling og samarbeid på tvers av næringsliv, akademia, frivilligheit og det offentlege.
• Har kunnskap og engasjement for berekraftsmåla og arbeidet med dette.
• Er utåtvend, sosial, likar å bygge nettverk og brenn for gode møteplassar.

Kompetansekrav

• Relevant utdanning
• Relevant erfaring frå arrangementsgjennomføring og kommunikasjon
• Særs sterke munnlege og skriftlege kommunikasjonsevner
• Beherskar norsk og engelsk både skriftleg og munnleg

Vi tilbyr

• Ei spanande stilling i skjeringspunktet mellom privat og offentleg sektor
• Moglegheita til å kome inn på eit tidleg tidspunkt og vere med på å forme ein organisasjon som er viktig for heile regionen
• Fast 100% stilling med konkurransedyktige vilkår
• Stillinga rapporterer til styret i The North West v/ styreleiar, dette kan endrast ved ny organisering.